நாகலாந்து ஆளுனர் இல.கணேசன் உடலுக்கு முதல் அமைச்சர் மு.க.ஸ்டாலின் இறுதி மரியாதை

உடல்நலக்குறைவால் மருத்துவமனையில்சிகிச்சை பெற்று வந்த நாகாலாந்து கவர்னர் இல. கணேசன் சென்னையில் நேற்று முன்தினம் இரவு மரணம் அடைந்தார்.

- 

நாகாலாந்து கவர்னராக இருந்தவர் இல. கணேசன். நீரிழிவு நோயால் அவதிப்பட்டு வந்த இல. கணேசன், கடந்த மாதம் சென்னை வந்தார். கால் பாதத்தில் ஏற்பட்ட புண் காரணமாக சென்னையில் உள்ள மருத்துவமனையில் தங்கி சிகிச்சை பெற்றார். உடல் நிலையில் முன்னேற்றம் ஏற்பட்டதால், வீடு திரும்பினார்.

கடந்த 5-ந்தேதி, கால் மரத்துப்போன நிலையில் வீட்டில் மயங்கி விழுந்த இல. கணேசன், அவரது உறவினர்கள் மருத்துவமனையில் சேர்த்தனர். சிகிச்சைக்கு பின்னர் வீடு திரும்பினார். தொடர்ந்து கடந்த 8-ந் தேதி அதிகாலை 3 மணியளவில் அவருக்கு தலைச்சுற்றல் ஏற்பட்டது. எனவே அவரை சென்னை ஆயிரம் விளக்கில் உள்ள அப்பல்லோ மருத்துவமனையில் சிகிச்சைக்காக சேர்த்தனர்.