கர்நாடகாவில் தொடரும் திடீர் மாரடைப்பு மரணங்கள்

கர்நாடகாவில் மாரடைப்பு தொடர்பானஇறப்புகள் அதிகரித்து வரும்சம்பவங்கள்,பொதுமக்களின் கவலை அதிகரித்து வரும் நிலையில், மருத்துவமனையில் ஆயிரக்கணக்கானமக்கள் இதய பரிசோதனைக்காக குவிந்து வருகின்றனர்.

- 

இந்நிலையில் கர்நாடகத்தில் மாரடைப்புக்கு மேலும் 6 பேர் பலியான தகவல் வெளியாகி உள்ளது. அதன் விவரம் பின்வருமாறு:-

சாம்ராஜ்நகர் மாவட்டம் குண்டலுபேட்டை தாலுகா குருபரகேரி பகுதியை சேர்ந்த ஒரு தம்பதியின் மகன் மனோஜ் குமார் (வயது 10). இந்த சிறுவன் அதே பகுதியில் உள்ள பள்ளியில் 4-ம் வகுப்பு படித்து வந்தான். ஏற்கனவே சிறுவனுக்கு இதயத்தில் சிறிய அளவு துளை இருந்ததாக கூறப்படுகிறது. இதற்காக சிறுவன் பெங்களூரு ஜெயதேவா இருதய அரசு மருத்துவமனையில் சிகிச்சை பெற்று வந்தார்.

இந்தநிலையில் நேற்று பள்ளியில் இருந்த சமயத்தில் அவருக்கு திடீரென்று நெஞ்சுவலி ஏற்பட்டது. சக ஆசிரியர்கள் சிறுவனை மீட்டு குண்டலுபேட்டை அரசு மருத்துவமனைக்கு அனுப்பி வைத்தனர். பரிசோதனை செய்த டாக்டர்கள் சிறுவன் மாரடைப்பு ஏற்பட்டு பலியானதாக தெரிவித்தனர்.