டாஸ்மாக் முறைகேடு புகார் வழக்கு அமலாக்க துறைக்கு உச்சநீதிமன்றம் கண்டனம்

“சந்தேகத்தின் பேரில் அரசு அலுவலகங்களுக்குள் புகுந்து ஆவணங்களை எடுத்துச்செல்வீர்களா?” என கேள்வி

- 

டாஸ்மாக் முறைகேடு புகார் வழக்கு விசாரணையின் போது, அமலாக்க துறைக்கு உச்சநீதிமன்றம் கண்டனம் தெரிவித்து உள்ளது. சந்தேகத்தின் பேரில் அரசு அலுவலகங்களுக்குள் புகுந்து ஆவணங்களை எடுத்துச்செல்வீர்களா? என நீதிபதிகள் கேள்வி எழுப்பினர்.

தமிழக அரசின் மது விற்பனை நிறுவனமான டாஸ்மாக் நிறுவனத்தில் பல்வேறு முறைகேடுகள் நடப்பதாக புகார் வந்திருப்பதாக அமலாக்கத்துறை அறிவித்தது. அதன் அடிப்படையில் அமலாக்கத்துறை அதிகாரிகள் சென்னை எழும்பூரில் உள்ள டாஸ்மாக் தலைமை அலுவலகத்தில் கடந்த மார்ச் மாதம் அதிரடி சோதனை நடத்தினார்கள்.