பஞ்சாப் மாநில முதல்வர் பகவந்த் மான் முன்னிலையில் விழா

முதல் அமைச்சரின் காலை உணவு விரிவாக்க திட்டம்

- 

தமிழக மாணவர்களுக்கான முதல் அமைச்சரின் காலை உணவு விரிவாக்க திட்டம் தொடக்க விழா, இன்று காலை பஞ்சாப் மாநில முதல்வர் பகவந்த் மான் முன்னிலையில் சென்னையில் நடக்கிறது. இந்த திட்டத்தை முதல் அமைச்சர் மு.க. ஸ்டாலின் தொடங்கி வைக்கிறார்.

2,429 நகர்ப்புற அரசு உதவிபெறும் பள்ளிகளில் காலை உணவுத் திட்டம் இன்று விரிவாக்கம் செய்யப்படவுள்ளது. காலை உணவுத் திட்டம் விரிவாக்கம் குறித்து அரசு செய்தித் தொடர்பாளர் அமுதா செய்தியாளர் சந்திப்பில் கூறியதாவது;

நகர்ப்புறங்களில் உள்ள அனைத்து அரசு உதவி பெறும் தொடக்கப் பள்ளிகளில் 1 முதல் 5ம் வகுப்பு வரை படிக்கும் மாணவர்களுக்கு முதலமைச்சரின் காலை உணவு திட்ட விரிவாக்கத்தை முதல்வர் மு.க.ஸ்டாலின் இன்று தொடங்கி வைக்கிறார். இந்த நிகழ்ச்சியில் பஞ்சாப் மாநில முதல்வர் பகவந்த் மான் சிறப்பு விருந்தினராக கலந்து கொள்கிறார்.