வியத்தகு விண்ணளவு சாதனை ...

மண்ணில் நடக்கும் அரிய செயல்கள் உலகளாவிய சாதனை என்றால், விண்ணில் நடக்கும் வியத்தகு சாதனை விண்ணளாவிய சாதனை அல்லவா? அப்படி ஒரு சாதனை 40 வருடங்களுக்கு பிறகு இந்திய விண்வெளி வீரரால் நிகழ்த்தப்பட்டுள்ளது. சுபான்ஷு சுக்லா என்ற இந்திய விண்வெளி வீரர், சர்வதேச விண்வெளி நிலையத்திற்கு (ISS) ஆக்ஸியம்-4 பயணத்தில் ஒரு பைலட்டாக நியமிக்கப்பட்டு விண்வெளிக்கு சென்றுள்ளார்.

- 

முன்னதாக, 1984 ஆம் ஆண்டு சோவியத் சோயுஸ் விண்கலத்தில், இந்தியரான ராகேஷ் சர்மா விண்வெளிக்குச் சென்றார். அவருக்குப் பின், கல்பனா சாவ்லா மற்றும் சுனிதா வில்லியம்ஸ் போன்றோர் விண்ணுக்குச் சென்றனர். ஆனால் அவர்கள் இந்திய வம்சாவளிகளே அன்றி இந்தியாவில் பிறந்து வளர்ந்தவர்கள் அல்ல என்பதால் அந்த சாதனை நம் நாட்டுக்கு சேராமல் போயிற்று. ராகேஷ் சர்மாவின் விண்வெளிப் பயணத்தைத் தொடர்ந்து விண்ணுக்குச் செல்லும் இரண்டாவது இந்தியராகவும், சர்வதேச விண்வெளி நிலையத்திற்கு செல்லும் முதல் இந்தியராகவும் அவர் இருப்பார். இந்த திட்டத்தில் அவர் விமானியாக செயல்பட உள்ளார்.

சுபான்ஷு சுக்லா, இந்தியாவின் ககன்யான் திட்டத்தில் முக்கிய பங்கு வகித்தவர். இவருடன் இந்தப் பயணத்தில் போலந்து மற்றும் ஹங்கேரி நாடுகளைச் சேர்ந்த வீரர்களும் சென்றுள்ளனர். இந்தப் பயணம் 14 நாட்கள் வரை நீடிக்கும், விண்வெளி வீரர்கள் சர்வதேச விண்வெளி நிலையத்தில் பல ஆய்வுகளை செய்வார்கள் என்று தெரிவிக்கப்பட்டுள்ளது.