தமிழ்நாட்டில் நெல் உற்பத்தி அதிகரித்துள்ளதால் கொள்முதலை 47.50 லட்சம் மெட்ரிக் டன்னாக உயர்த்த வேண்டும்

பிரதமர் மோடிக்கு தமிழக முதல்வர் மு.க. ஸ்டாலின் கடிதம்

- 

தமிழ்நாட்டின் 2025-26 ஆண்டு நடப்பு நெல் கொள்முதல் பருவத்தில் முன்னெப்பொழுதும் இல்லாத வகையில் நெல் விளைச்சல் அதிகரித்துள்ளதால் கரீப் பருவ நெல் கொள்முதல் இலக்கினை 23.50 இலட்சம் மெட்ரிக் டன்னிலிருந்து 47.50 இலட்சம் மெட்ரிக் டன்னாக நிர்ணயம் செய்திட வலியுறுத்தி தமிழ்நாடு முதலமைச்சர் மு.க. ஸ்டாலின், இந்தியப் பிரதமர் திரு. நரேந்திர மோடி அவர்களுக்கு கடிதம் அனுப்பி இருக்கிறார்.

தமிழ்நாட்டில் நடப்பு சம்பா பருவத்தில் நெல் சாகுபடி மிகப்பெரிய உயர்வை எட்டியுள்ளது. புதிய சாதனை அளவைப் படைத்துள்ள இந்த சூழ்நிலையில், கரீப் பருவ கொள்முதல் அளவிற்கான இலக்கினை உயர்த்திடக் கோரி மாண்புமிகு தமிழ்நாடு முதலமைச்சர் திரு. மு.க. ஸ்டாலின் அவர்கள் மாண்புமிகு இந்தியப் பிரதமர் திரு. நரேந்திர மோடி அவர்களுக்கு இன்று (14.3.2026) கடிதம் எழுதியுள்ளார்.