ஒன்றிய-மாநில அதிகாரங்களை மறுபரிசீலனை செய்து உண்மையான கூட்டாட்சியை வலுப்படுத்தும் கட்டமைப்பை உருவாக்குவது காலத்தின் கட்டாயம்

"ஒன்றிய-மாநில அதிகாரங்களை மறுபரிசீலனை செய்து உண்மையான கூட்டாட்சியை வலுப்படுத்தும் கட்டமைப்பை உருவாக்குவது காலத்தின் கட்டாயம்" என அனைத்து மாநில முதல்வர்களுக்கும் தமிழ்நாடு முதல் அமைச்சர் மு.க. ஸ்டாலின் கடிதம் அனுப்பி இருக்கிறார். இந்த முயற்சியில் அரசியல் மற்றும் கட்சி வேறுபாடுகளுக்கு அப்பாற்பட்டு அனைவரும் இணைந்துஎதிர்கால சந்ததியினருக்கு வலுவான, ஒன்றுபட்டமற்றும் உண்மையான கூட்டாட்சியை அடிப்படையாகக் கொண்ட ஒரு ஒன்றியத்தை வழங்குவோம்" என்றும் அவர் குறிப்பிட்டு இருக்கிறார்.

- 

மாநில முதல்வர்களும், கட்சித் தலைவர்களும் தீவிரமாக பங்கேற்க வேண்டுமென்றும், தமிழ்நாடு அரசால் அமைக்கப்பட்ட ஒன்றியமாநில உயர்நிலைக் குழுவின் இணையதளத்தில் உள்ள இணையவழி வினாத்தாள் படிவத்தினை ஆராய்ந்து, விரிவான பதில்களை அனுப்பி வைக்குமாறும் கேட்டு, மற்ற மாநில முதலமைச்சர்களுக்கும், பல்வேறு கட்சித் தலைவர்களுக்கும் மாண்புமிகு தமிழ்நாடு முதலமைச்சர் திரு. மு.க. ஸ்டாலின் அவர்கள் நேற்று (29-8-2025) கடிதம் எழுதியுள்ளார்.