MGA DAPAT TANDAAN SA PAGBA-BUDGET NG SUWELDO

KAKASUWELDO pa lang, pero nganga na agad? Kaloka 'di ba?

- NI: MV

Ang hirap kaya mag-budget, lalo na ngayong pataas nang pataas ang presyo ng mga pangunahing bilihin. Mula sa pamasahe, pagkain, tuition fee, upa sa bahay, atbp. Natanong mo na rin ba sa iyong sarili

kung kailan ka makakaipon? At saan ba talaga napupunta ang suweldo mo? Normal lang iyan sa mga minimum wage earners. Sapagkat ang suweldo ay sapat lang sa arawang gastusin. Nakakagulat na ultimo ang young professionals na malalaki ang suweldo, kahit walang pamilyang sinusuportahan ay nakakaranas pa rin ng petsa-de-peligro.

Ang akala ng iba, nakakaluwag sa buhay ang mga professionals na single at hindi nakakaranas ng financial problem, samantalang may mga pamilya na mas mahirap pa sa atin na pilit pinagkakasya ang minimum wage.

Pero, paano kung isang araw, mawalan ka ng trabaho? Siyempre, hindi ka na pauutangin sa bangko o lending company, maliban na lang kung meron kang personal property, gaya ng alahas o electronic gadget na maaari mong maibenta o maisanla.