Mga drayber sa emergency vehicles, motorista gipahimangnoan

Gipahimangnoan sa mga awtoridad ang emergency vehicle drivers ug motorista nga mag-amping ug mosunod sa extra caution diha sa karsada human sa usa ka fatal nga disgrasya diha sa flyover sa Archbishop Reyes, Dakbayan sa Sugbo diin usa ka engineering student ang nakalas ang kinabuhi

- 

Matud sa hepe sa Police Regional Highway Patrol Unit (RHPU)-7 Police Colonel Wildemar Tiu nga bisan og gitugotan ang emergency vehicle sama sa ambulansiya nga mopaspas sa ilang pagresponde sa mga emerhensiya kinahanglan gihapon nga mag-amping ilabi na sa mga intersection ug kon moagi sa counter flow lanes.

Si Tiu nagkanayon nga adunay mga motorista nga dili dayon makadungog sa sirena sa ambulansiya nga mahimong hinungdan sa paglangan sa paghatag og dalan. Gitumbok usab ni Tiu nga ang usa ka susamang insidente sa Tagum City diin usa ka ambulansiya ang nisulod bisan og red light sa intersection nga niresulta og disgrasya sa motorsiklo.