Pagbahig sa basura pahugtan

Sa tinguha ni Mayor Nestor Arcihval nga malimpyo ang Dakbayan sa Sugbo, gihingusgan niini ang pagpatuman sa Waste Segregation, ug aron ipakita unsa siya ka seryuso nangunay kini sa pagpahibawo sa mga kawani sa City Hall kun unsaon kini og pagpatuman lukop syudad.

- 

Matud pa sa mayor pinaagi sa usa ka press conference nga nakigpulong na kini sa Local School Board, mga sakop sa Department of Public Service nga gilangkuban sa mga garbage loaders ug collectors ug mga truck drivers.

Iyang gipahibalo bahin sa implementasyon sa waste segregation. Sugdan kini pinaagi sa lapad nga information dissemination nga gisugdan niadto pang Enero 1 hangtud sa Enero 15.