DUGANG IREGULARIDAD NADISKUBRIHAN NI ARCHIVAL

Nagpadayon ang pagsusi sa panalapi sa Cebu City Hall ubos sa bag-ong administrasyon ni Mayor Nestor Archival, ug sa ilang mas lawom nga pakisusi, duna na sab silay nakit-ang giingong "irregular purchases.

- 

Sa usa ka pakighinabi, giingon ni Archival nga nakita nila nga adunay gi purchase nga tshirt nga gipalit og kapin P20,000 ang usa.

Gisugdan ang review human nahibaw-an nga posible nga adunay budget deficit ang siyudad. Sa usa ka pamahayag, si Vice Mayor Tomas Osmeña mibutyag nga sa administrasyon ni kanhi Mayor Raymond Garcia, adunay gipalit nga luxury SUV nga ang presyo sa merkado P3.3 milyon pero gipalit og P4.4 milyon.

Sumala ni Osmeña sa iyang social media post, kini ang hinungdan nganong naay pagka-langan sa turnover sa mga papeles ngadto sa team ni Mayor Archival.

Para ni Archival, kini usa ka butang nga wala niya gi imagine.

"Because if you are going to buy a car which is P3.3 million and then you will charge the city government with P4.4, that is not acceptable," matod pa niya.