మెస్సీ మ్యాచ్ హై సెక్యూరిటీ

• ఉన్నతాధికారులతో ఉప్పల్ స్టేడియం సందర్శన.. పటిష్టమైన భద్రతను ఏర్పాటు= చేయాలని ఆదేశం.. ప్రజలకు, ప్రేక్షకులకు స్పష్టమైన సమాచారం ఇవ్వాలి..

- 

• ఏర్పాట్లపై డీజీపీ బి.శివధర్ రెడ్డి సమీక్ష

హైదరాబాద్, డిసెంబర్ 11 (ఆదాబ్ హైదరాబాద్) : ఈ నెల 13న (శనివారం) ఉప్పల్ స్టేడియంలో జరగనున్న లియోనెల్ మెస్సీ ఫుట్బాల్ మ్యాచ్ ఏర్పాట్లను రాష్ట్ర డైరెక్టర్ జనరల్ ఆఫ్ పోలీస్ (డీజీపీ) బి. శివధర్ రెడ్డి పరిశీలించారు. భద్రతతోపాటు ఇతర ఏర్పాట్లపై ఆయన గురువారం ఉప్పల్లోని రాజీవ్ గాంధీ అంతర్జాతీయ స్టేడియంలో ఉన్నత స్థాయి సమీక్షా సమావేశం నిర్వహించారు. మ్యాచ్ సమగ్ర ఏర్పాట్లను పర్యవేక్షించారు. గ్రేటర్ హైదరాబాద్ మునిసిపల్ కార్పొరేషన్ (జీహెచ్ఎంసీ), విద్యుత్ శాఖ, వాటర్ వర్క్స్, స్పోర్ట్స్ అథారిటీ ఆఫ్ తెలంగాణ అధికారులతోపాటు మ్యాచ్ నిర్వాహకులు కూడా ఈ సమావేశంలో పాల్గొన్నారు. తమ శాఖల ద్వారా జరుగుతున్న ఏర్పాట్లను డీజీపీకి వివరించారు.