దామోదర్ రెడ్డి సేవలు చిరస్మరణీయం

ఎస్సారెస్పీ ఫేజ్ - 2కు రాంరెడ్డి దామోదర్ రెడ్డి పేరు

- 

దామోదర్ రెడ్డి సేవలు చిరస్మరణీయం.

కరువు ప్రాంతానికి గోదావరి జలాలు తీసుకొచ్చిన ఘనత దామన్నది

జిల్లాలో కాంగ్రెస్ జెండాను సగర్వంగా నిలబెట్టాడు : సీఎం రేవంత్రెడ్డి

కుటుంబానికి, కార్యకర్తలకు ప్రభుత్వం అండగా ఉంటుందని హామీ.

తుంగతుర్తిలో దామోదర్ రెడ్డి దశదిన ఖర్మ

ఏ.ఆర్.డి.ఆర్ చిత్రపటానికి నివాళులర్పించిన సీఎం, జానారెడ్డి, భట్టి, ఉత్తమ్, కోమటిరెడ్డి

సూర్యాపేట ప్రతినిధి, అక్టోబర్ 12 (ఆదాబ్ హైదారాబాద్) : దివంగత మాజీ మంత్రి రామ్ రెడ్డి దామోదర్ రెడ్డి సంతాప సభకు రాష్ట్ర ముఖ్యమంత్రి ఏ. రేవంత్ రెడ్డి తోపాటు ఉమ్మడి నల్గొండ జిల్లా మంత్రులు, ఎమ్మెల్యేలు, ఎమ్మెల్సీలు, ఎంపీలు, కార్యకర్తలు అభిమానులు పెద్ద ఎత్తున పాల్గొన్నారు. ఆయన కుటుంబ సభ్యులను పరామర్శించి ధైర్యం చెప్పారు సీఎం రేవంత్ రెడ్డి. అనంతరం సభలో సీఎం రేవంత్ మాట్లాడుతూ దామోదర్ రెడ్డి రెండు సార్లు మంత్రిగా, ఐదు సార్లు ఎమ్మెల్యేగా ప్రజాసేవలో అంకితభావంతో పనిచేసిన నాయకుడని అన్నారు.