నల్గొండ జిల్లా డీఈఓ సారు రూటే.. సపరేటు..?

• ఈయన గారి గురించి రాయాలంటే పుస్తకాలు సరిపోవు.. • ఇతగాడి చిట్టా విప్పితే యూనియన్ల కూసాలు కూడా కదులుతాయి

- 

• డీఈవో కార్యాలయంలో అంతటా ఈయనగారి అనుచరగనాలేనట సారు ఏడీకి పోయిన వివివిఐపి రాచ మర్యాదలే దొరుకుతున్నాయట

• సారూ చూపు కోసం ఉద్యోగుల పాట్లు... అంతా ఇంత కాదట...

• 23 ఏళ్లుగా ఒకే సీట్లో తిష్టేసిన ఏఎస్వో.. కూడా ఈ సారుకే పరమభక్తుడట

• డీఈవో ఆఫీసు నిండా పెద్ద సారు అనుచరులదే హవా, వసూళ్ల పర్వం నడుస్తుందట..

• ప్రభుత్వం డీఈఓ భిక్షపతి సారు ఫై ఇకనైనా చర్యలు తీసుకుంటుందా.. లేక మా జమానాలో గివన్ని మాములే అని సరిపెట్టుకుంటుందా వేచి చూడాలి...

హైదరాబాద్ 26 మే (ఆదాబ్ హైదరాబాద్) : నల్లగొండ జిల్లాలోని డీఈవో కార్యాలయం అక్కడి డీఈఓ భిక్షపతి అక్రమాలకు అడ్డాగా మారింది.. ఈయన గారి గురించి రాయాలంటే పుస్తకాలు సరిపోవని జిల్లా అంతట టాక్ నడుస్తోంది.. విచిత్రమేమిటంటే గడిచిన రెండేళ్లుగా ఈ సారు పై ఉన్నతాధికారులకు లెక్కకు మించి పిర్యాదులు చేసినప్పటికీ ఉన్నతాధికారులు, జిల్లా కలెక్టర్ పట్టించుకోకపోవవడంపై కూడా పలు అనుమానాలు వ్యక్తమవుతున్నాయి.. తాను ఒక సీఎం కంటే ఉన్నత స్థానంలో ఉన్న అధికారిగా చలామణి అవుతూ తనను తానూ గొప్పగా ఊహించుకుంటూ నల్లగొండ జిల్లాను జేబు రుమాలు చేసి ఆడేసుకుంటున్న డీఈఓ భిక్షపతి వ్యవహారంపై జిల్లా అంతటా నిరసనలు, ఆందోళనలు వ్యక్తమవుతున్నాయి.. తనకు నచ్చిన వాళ్ళు బరితెగించిన పట్టించుకోకుండా .. తనకు నచ్చని వాళ్లు చిన్న తప్పులు చేసిన కొండంతలు చేసి ముప్పుతిప్పలు పెడుతున్న ఇతగాడి వ్యవహారంపై జిల్లా వ్యాప్తంగా ఆగ్రహ జ్వాలలు వ్యక్తమవుతున్నాయి.. సాక్షాత్తు జిల్లా కలెక్టరుకు ... సారు తీరుపై వ్యక్తిగతంగా పిర్యాదు చేసినా పట్టించుకోవడంలేదంటే సారు రేంజ్ ఎంత పెద్దదో ఇట్టే అర్ధం చేసుకోవచ్చు... ఒక జిల్లా అధికారిగా .. పనిచేస్తున్న డీఈఓ భిక్షపతి గతంలో పెద్దపల్లి జిల్లాలో రూ. 5000 లంచం తీసుకుంటూ పట్టుబడి సస్పెండ్ అయ్యి .. తిరిగి విధుల్లో చేరినప్పటికీ తన తీరును మార్చుకోకుండా.. విద్యావ్యవస్థను గాడిలో పెట్టాల్సిన గురుతర బాధ్యత మరిచిపోయి.. తాను తప్పు దోవ పట్టడమేకాకుండా.. తన నిరంకుశ పోకడలతో.. మితిమీరిన అహకారంతో జిల్లా విద్యా వ్యవస్థను అధః పాతాళానికి నెట్టేస్తున్నారు.. డీఈఓ భిక్షపతిని తక్షణమే విధుల నుంచి తప్పించి అతని అక్రమాలపై ఎంక్వయిరీ చేయాలనీ జిల్లా ఉపాధ్యాయులు, విద్యార్థి సంఘాలు, పలువురు ప్రజా సంఘాల నాయకులు ప్రభుత్వాన్ని డిమాండ్ చేస్తున్నారు..