1 ట్రిలియన్ ఎకానమీ లక్ష్యం

తెలంగాణకు భారీ పెట్టుబడులు వచ్చాయి. తెలంగాణ ప్రభుత్వంపై నమ్మకంతో పెట్టుబడులు పెట్టారు.

- 

• తెలంగాణకు భారీగా పెట్టుబడులు రాక

• ఒప్పందాలతో రూ.1.80లక్షల కోట్ల పెట్టుబడులు

• ఇది రాష్ట్ర ప్రభుత్వం సాధించిన అతిపెద్ద విజయం o

• గతంకన్నా 4రెట్లు అధికంగా పెట్టుబడులు

• స్కిల్ వర్సిటీ కోసం సింగపూర్తో ఒప్పందం

• పెట్టుబడులపై కొందరు వక్రభాష్యాలు

• రాష్ట్ర అభివృద్ధిపై దుష్ప్రచారాలు చేస్తున్నారు

• మీడియా సమావేశంలో సిఎం రేంవత్ రెడ్డి

హైదరాబాద్కు పెట్టుబడులు రాకుండా చేయాలని కుట్ర చేశారు. ఎన్నో అపోహలు, అనుమానాలు సృష్టించారు. కానీ ఇన్వెస్టర్లు విశ్వాసాన్ని చాటుకున్నారు. పక్కా ప్రణాళికతో వెళ్లాం కనుకే అన్ని పెట్టుబడులు వచ్చాయి. 13 నెలల్లో రూ.లక్షా 80వేల కోట్ల పెట్టుబడులొచ్చాయి. సింగపూర్ ప్రభుత్వంతో కీలక ఒప్పందం చేసుకున్నాం. స్కిల్ డెవలప్మెంట్లో ఇదో అద్భుత పరిణామం - సీఎం రేవంత్ రెడ్డి

హైదరాబాద్ 28 జనవరి (ఆదాబ్ హైదరాబాద్) : ప్రభుత్వం సాధించిన విజయాల్లో దావోస్ ఒప్పందాల సాధన అతిపెద్దదని ముఖ్యమంత్రి రేవంత్రెడ్డి అన్నారు. దావోస్ సదస్సు ద్వారా దాదాపు రూ.1.80లక్షల కోట్ల పెట్టుబడులు సాధించినట్టు చెప్పారు. హైదరాబాద్లో పెట్టుబడులు పెట్టేందుకు ముందుకు వచ్చిన సంస్థలకు సీఎం ధన్యవాదాలు తెలిపారు. అయితే కొందరు దీనిని జీర్ణించుకోలేక వెకిలి వ్యాఖ్యలు చేస్తున్నారని సిఎం మండిపడ్డారు. సచివాయలంలో ఏర్పాటు చేసిన మీడియా సమావేశంలో సీఎం రేవంత్ రెడ్డి, మంత్రులు మాట్లాడారు.