తెలంగాణ భవిష్యత్తు ఉపాధ్యాయులదే..

టీచర్లే మా బ్రాండ్ అంబాసిడర్లు.. తెలంగాణ సాధనలో వారి పాత్ర కీలకం

- 

• 25వేలమందికి పదోన్నతులు కల్పించాం

• ఒకటో తేదీన జీతాలు పడేలా చేస్తున్నాం

• పేదల చదువుతోనే తెలంగాణకు భాగ్యం

• బడికి వెళ్లడం ఆత్మగౌరవంగా భావించాలి

• బడులకు ఉచిత విద్యుత్.. మౌళిక వసతులు

• ఎల్బీ స్టేడియంలో ఉపాధ్యాయులతో రేవంత్

హైదరాబాద్ 02 ఆగస్టు (ఆదాబ్ హైదరాబాద్ : తెలంగాణ రాష్ట్ర సాధన పోరాటంలో ఉపాధ్యాయుల పాత్ర మరువలేనిదని ముఖ్యమంత్రి రేవంత్ రెడ్డి అన్నారు. తెలంగాణ భవిష్యత్ ఎక్కడుందని ఈ క్షణం తనను అడిగితే వేలాది మంది ఉపాధ్యాయుల రూపంలో ఎల్బీ స్టేడియంలో ఉందని చెబుతానని ఉద్ఘాటించారు. ఎల్బీ స్టేడియంలో శుక్రవారం నాడు 30 వేల మంది ఉపాధ్యాయులతో సీఎం రేవంత్ ముఖాముఖి నిర్వహించారు. ఈ సందర్భంగా సీఎం రేవంత్రెడ్డి ప్రసంగించారు. ఉపాధ్యాయులే తమ ప్రభుత్వానికి బ్రాండ్ అంబాసిడర్లు అని తెలంగాణ ముఖ్యమంత్రి రేవంత్రెడ్డి అన్నారు. 25 వేల మంది ఉపాధ్యాయులకు పదోన్నతులు కల్పించాం. 30 వేల మందిని బదిలీ చేశాం. ప్రతినెలా ఒకటో తేదీనే జీతాలు మీ ఖాతాలో పడేలా చూసే బాధ్యత మాది. ఈ సమ్మేళనంలో రాజకీయం, స్వప్రయోజనం లేదు. తెలంగాణ భవిష్యత్తు ఉపాధ్యాయుల చేతుల్లోనే ఉందని అన్నారు. పిల్లలు ప్రభుత్వ పాఠశాలలకు వెళ్లడం ఆత్మగౌరవం అని తల్లిదండ్రులు భావించాలి. అందుకు అందరం కలిసి కృషి చేయాలి.