ముచ్చటగా మూడోసారి

దేశంలో ఎన్డీయే కొత్త సర్కార్ మరోసారి కొలువుదీరింది. భారత్లో వరుసగా మూడోసారి ఎన్డీయే ప్రభుత్వం ఏర్పాటు అయింది.

- 

తాజాగా జరిగిన లోక్ సభ ఎన్నికల్లోనూ ఎన్డీయేకు 293 స్థానాలు దక్కడంతో మళ్లీ ప్రధానిగా పగ్గాలు చేపట్టే అవకాశం లభించింది. ప్రధానమంత్రి నరేంద్ర మోదీ సహా 72 మందితో కొత్త మంత్రివర్గం ఏర్పాటైంది. వీరిలో 30 మంది క్యాబినెట్, ఐదుగురు స్వతంత్ర, 36 సహాయ మంత్రులుగా ప్రమాణ స్వీకారం చేశారు. రాష్ట్రపతి ద్రౌపదీ ముర్ము వీరితో ప్రమాణం చేయించారు. ఈసారి ఐదుగురు తెలుగు ఎంపీలకు కేంద్ర మంత్రివర్గంలో చోటు దక్కింది. మోదీ ప్రమాణ స్వీకార కార్యక్రమానికి దాదాపు 8వేల మంది దేశ, విదేశీ ప్రముఖులతో పాటు సార్క్ సభ్య దేశాల నేతలు హాజరయ్యారు. సుప్రీం కోర్టు సీజే జస్టిస్ డీవై చంద్రచూడ్, మాజీ రాష్ట్రపతి రామ్ నాథ్ కోవింద్, మాజీ ఉపరాష్ట్రపతి వెంకయ్యనాయుడు, తెదేపా అధినేత చంద్రబాబు, జేడీయూ అధినేత నితీశ్ కుమార్, జనసేన అధినేత పవన్ కల్యాణ్, ఏఐసీసీ ఛీప్ మల్లిఖార్జున ఖర్గే, రిలయన్స్ ఇండస్ట్రీస్ అధినేత ముకేశ్ అంబానీ, సినీనటులు షారుక్ ఖాన్, రజనీకాంత్ తో పాటు ఆధ్యాత్మికవేత్త చినజీయర్ స్వామి, పలు పీఠాలకు చెందిన అధిపతులు తరలివచ్చారు. రాష్ట్రపతి భవన్ ప్రాంగణంలో ప్రమాణ స్వీకారోత్సవం అట్టహాసంగా జరుగగా 8వేల అతిథులతో ప్రాంగణమంతా కిక్కిరిసిపోయింది.

• కేంద్రంలో కొలువుదీరిన 'ఎన్డీయే' కొత్త ప్రభుత్వం

• ప్రధానిగా వరుసగా మూడోసారి మోడీ ప్రమాణం

• కేంద్రమంత్రులతోనూ ప్రమాణ స్వీకారం చేయించిన రాష్ట్రపతి

• 72 మందితో మోడీ 3.0 జట్టు

• తెలుగు రాష్ట్రాల నుంచి ఐదుగురికి అవకాశం

• మోడీ క్యాబినేట్ మరోసారి కిషన్ రెడ్డి, బండికి ఛాన్స్

• హాజరైన ఏఐసీసీ ఛీప్ మల్లికార్జున ఖర్గే..

• ఏడు దేశాల నేతలు, ప్రముఖులు సహా 8వేల మంది

• దేశవ్యాప్తంగా కమలనాథుల సంబురాలు