చైర్మన్ ముఖాముఖి

చైర్మన్ ముఖాముఖి

- 

భారత దేశంలో నిర్దిష్ట ఆదాయ పరిమితికి సంపాదిస్తే పన్ను చెల్లించాల్సి ఉ ంటుంది. గతంలో చాలా తక్కువ ఆదాయం పైన కూడా టాక్స్ పడేది. కానీ ఇటీవలి 2 బడ్జెట్ల సందర్భంగా వారికి ఊరట కల్పించింది కేంద్రం. పన్ను పరిమితిని పెంచింది. పన్ను చెల్లించాలంటే ఐటీ రిటర్న్స్ దాఖలు చేయాలి. సెప్టెంబర్ 15 ఐటీ రిటర్న్స్ ఫైల్ చేయడానికి ఆఖరు తేదీ. కాబట్టి త్వరపడాలని తెలుస్తోంది. మీరు ఈ విషయలో చెప్పగలరా? సార్

-మండపురం ఇందిరాబాలు, చిత్రావతి, విజయవాడ

అవును ఇందిర గారూ.. ఇప్పటికీ దాదాపు 3 కోట్ల మందికిపైనే టాక్స్ రిటర్న్స్ ఫైల్ చేశారు.ఇంకా సగం మంది చేయాల్సి ఉంది. 15 రోజులే ఉన్న నేపథ్యంలో.. చివరి వరకు చూడొద్దు.పత్రాలు అన్నీ దొరక్కపోవచ్చు. ఇంకా తప్పులు జరిగే అవకాశం ఉంటుంది. కాబట్టి వీలైనంత తొందరగా పూర్తి చేయడం మేలు. ఫారం-16: ఐటీఆర్ కు సంబంధించి ఇది అత్యంత కీలకమైన డాక్యుమెంట్ అని చెప్పవచ్చు. దీనిని మీరు పనిచేసే కంపెనీ జారీ చేస్తుంది. ఇక్కడ ఒక ఆర్థిక సంవత్సరంలో మీ వేతనం, ఇతర అలవెన్సులు, మినహాయింపులు, టిడిఎస్ ఇలా అన్ని వివరాలు ఉంటాయి. ఐటీ రిటర్న్స్ దాఖలు చేయడంలో ఫారం 26 ఏఎస్ కూడా ముఖ్యమైన డాక్యుమెంట్ అని చెప్పొచ్చు. ఇక్కడ టాక్స్ రిటర్న్స్ ఫైల్ చేసే వ్యక్తికి వచ్చినటువంటి పలు ఆదాయాలు, టీడీఎస్ వంటి వివరాలతో ఉంటుంది. ఇక ఏఐఎస్ ఆర్థిక లావాదేవీలకు సంబంధించి.. పూర్తి సమాచారం ఉంటుంది. ఇన్ కంటాక్స్ ఇ- ఫైలింగ్ వెబ్సైట్ నుంచి దీనిని డౌన్లోడ్ చేసుకోవచ్చు.