தொழிலாளி மீது துப்பாக்கிச்சூடு!! -பதட்டத்தில் தென்காசி!

தென்காசி மாவட்டம் மருதம்புத்தூரைச் சேர்ந்த பனையேறும் தொழிலாளி மணிகண்டன்கள் இறக்குவதாகக் கூறி, அவரை எஸ்.ஐ. இசக்கிராஜா இரு கால்களிலும் துப்பாக்கியால் சுட்டிருப்பது அப்பகுதி மக்களை கொந்தளிப்படைய வைத்திருக்கிறது.

- -ப.இராம்குமார்

தென்காசி மாவட்டத்தின் ஆலங்குளம் நகரைச் சுற்றியுள்ள காசிநாதபுரம், நாலாங்குறிச்சி, மருதம்புத்தூர் உள்ளிட்ட அக்கம்பக்க கிராமங்களில் பனைத் தொழிலே அங்குள்ள கிராம மக்களின் ஜீவாதாரமாக இருந்துவருகிறது. பனை மரங்களிலிருந்து இறக்கப்படும் கள் அந்தந்த பகுதிகளில் விற்பது வாடிக்கைதான். ஆனால் இதுவரையிலும் அந்தப் பகுதிகளில் எந்தவித அசம்பாவிதமும் நடந்ததில்லை. இந்நிலையில், ஆலங்குளம் அருகேயுள்ள மருதம்புத்தூர் மேலத் தெருவைச் சேர்ந்த பனையேறும் தொழிலாளி மணிகண்டனும் பனைத்தொழிலில் ஈடுபட்டு வருபவர். மும்பையிலுள்ள மணிகண்டனின் சகோதரர் சிவன்பொன்ராஜ், அவரது இரண்டு பிள்ளைகள் உள்ளிட்ட குடும்பத்தாரும் மருதம்புத்தூர் கோவிலுக்கு பங்குனி உத்திரத் திருவிழாவிற்காக வந்திருக்கிறார்கள்.

இந்தச் சூழலில் பனையேறும் தொழிலாளி மணிகண்டன் தன்னுடைய தோட்டத்தில் உள்ள பனைமரங்களில் கள் இறக்கி விற்பதாக ஆலங்குளம் போலீசாருக்கு ரகசிய தகவல் கிடைத்திருக்கிறது. இதையடுத்து எஸ்.ஐ. இசக்கிராஜா, இரண்டு போலீசாருடன் மணிகண்டனின் தோட்டத்திற்கு சென்றிருக்கிறார். அங்குதான் இந்த அசம்பாவிதம் நடந்திருக்கிறது.