நல்லகண்ணு 100

தகைசால் தமிழர் தோழர் நல்லகண்ணுவின் நூறாவது பிறந்தநாளை முன்னிட்டு, நக்கீரன் ஆசிரியர் தனது குடும்பத்தோடு சென்று ஐயா நல்லகண்ணுவை சந்தித்து வாழ்த்துகளைப் பகிர்ந்து கொண்டார்.

- 

ஒவ்வொரு ஆண்டும் ஐயா நல்லகண்ணுவின் பிறந்தநாளன்று நேரில் குடும்பத்தோடு சென்று வாழ்த்தி ஆசி பெறுவது நக்கீரன் ஆசிரியரின் வழக்கம். ஐயா நல்லகண்ணுவின் நூற்றாண்டை சிறப்பிக்கும் வகையில், அவரது வாழ்க்கை வரலாற்றின் பக்கங்களை, நக்கீரனில் தோழர் மகேந்திரன் தொடராக எழுதிவருவது குறிப்பிடத்தக்கது.

முதுபெரும் கம்யூனிஸ்ட் கட்சித் தலைவர் ஐயா நல்லகண்ணுவின் நூறாவது பிறந்தநாள் விழா, டிசம்பர் 26, வியாழனன்று காலையில் சென்னை தியாகராய நகர் பாலன் இல்லத்தில் நடைபெற்றது. விழாவில் தொடக்கவுரையாற்றிய இந்திய கம்யூனிஸ்ட் கட்சியின் மாநில செயலாளர் முத்தரசன், ஐயா நல்லகண்ணுவுக்கு வாழ்த்துகளைத் தெரிவித்ததோடு, இந்திய கம்யூனிஸ்டு கட்சி நிறுவப்பட்ட 26-12-1925ஆம் தேதியில் பிறந்த, மூத்த தலைவர் ஐயா இரா.நல்லகண்ணுவுக்கு 100வது பிறந்தநாளாகும் என்ற தகவலையும் பகிர்ந்துகொண்டார்.