பா.ஜ.க. அவுட்! த.வெ.க.இன்! புதுச்சேரி முதல்வரின் புது ரூட்!

புதுச்சேரி யூனியன் பிரதேசத்தில் என்.ஆர்.காங்கிரஸ் -பா.ஜ.க. இணைந்து கூட்டணி ஆட்சி நடந்துவருகிறது. முதலமைச்சராக ரங்கசாமியும், சபாநாயகராக செல்வம், உள்துறை அமைச்சராக நமச்சிவாயம் ஆகியோர் உள்ளனர்.

- து.ராஜா

தற்போது என்.ஆர்.காங்கிரஸுக்கும் பா.ஜ.க.வுக்குமிடையே முட்டல் மோதல் அதிகரித்துவருகிறது. இதன்காரணமாக, முதல்வர் ரங்கசாமியை மிரட்டுவதற்காக, சி.பி.ஐ. ரெய்டு தொடர்ச்சியாக நடத்தப் படுகிறது. கெஜ்ரிவாலை சிறையிலடைத்தது போல் உங்களையும் அடைப்போமென்று -பா.ஜ.க. மிரட்டுகிறது.

இதுகுறித்து புதுச்சேரி அரசியல் வட்டாரங்களில் விசாரித்தபோது, “2021 சட்டமன்றத் தேர்தலில் பா.ஜ.க.வை பார்த்து மக்கள் வாக்களிக்கவில்லை.

ரங்கசாமியை முதலமைச்சராக்கவே ஆட்சியமைக்கும்போது வாக்களித்தனர்.

அமைச்சர் பா.ஜ.க.வுக்கு சபாநாயகர் பதவி, இரண்டு பதவிகளைத் தந்தார் முதலமைச்சர் ரங்கசாமி. பதவிக்கு வந்ததும் தனி ஆவர்த்தனம் செய்யத் துவங்கினர்.

2026, சட்டமன்றத் தேர்தலில் பா.ஜ.க. முதலமைச்சர் பதவியைக் கைப்பற்ற வேண்டுமென்று டெல்லி பா.ஜ.க. காய்நகர்த்துகிறது. இதற்காக லெப்டினன்ட் கவர்னராக தமிழிசை செளந்தர்ராஜன், சி.பி.ராதாகிருஷ்ணனை அடுத்தடுத்து நியமித்து, முதல்வரை டம்மியாக்கி, கவர்னர்களே நிர்வாகம் செய்தனர். நியமன எம்.எல்.ஏக்கள் என்ற பெலும் 3 பா.ஜ.க.வினரை கவர்னர் நியமித்தார்.

இதையெல்லாம் வெளிப்படையாக எதிர்க்காமல் அமைதிகாத்தார் முதல்வர்.