"மகனே! நீ எப்படியும் உயிர் வாழ வேண்டும்.”

ஆதிசங்கரரின் வரலாறு 

- டி.வி.ராதாகிருஷ்ணன்

பொன் மழை பொழிந்த சங்கரர் எட்டு வயதிற்குள் படிப்பை முடித்தார்.

கல்வியை முடித்த பின்னர் சங்கரர் குருகுலத்திலிருந்து திரும்பி வீட்டிற்கு வந்து தாயாருடன் இருந்து வந்தார். ஒருநாள் ஆர்யாம்பாள் உடல் நலமில்லாது சோர்ந்து போய் காணப்பட்டார். ஆயினும், வழக்கப்படி விடியலில் எழுந்து சிறிது தொலைவில் இருந்த ஆற்றில் குளிக்கச் சென்றார்.

திரும்பி வரும்போது மயக்கம் வந்து விழுந்து விட்டார். இதைக் கேள்விப்பட்ட சங்கரர், ஓடிப்போய் தாயாரை வீட்டிற்குக் கொண்டு வந்து சேர்த்தார். அவ்வாறு மீண்டும் ஆகக்கூடாது என நினைத்து "சூர்ணா" என்ற பெயருடைய அந்த ஆறு தன் போக்கை மாற்றிக்கொண்டு தங்கள் வீட்டிற்கு அருகில் ஓட வேண்டும் என்று பிரார்த்தனை செய்தார். அடுத்த நாள் காலை அந்த அற்புதம் நிகழ்ந்து விட்டது.

இந்நிகழ்வு சங்கரரின் திறத்தில் இருந்த ஆழ்ந்த மனிதப் பண்பாட்டைக் காட்டுகிறது.

அவர், பிற்காலத்தில் எழுதிய நூல்களிலும் தாய்மையின் பெருமையைப் போற்றிய இயல்பு புலப்படுகிறது.