જસ્ટ, એક મિનિટ..

યાત્રા ખુદ એક શિક્ષક છે. એનું દરેક ડગલું આપણને મંજિલ તરફ દોરી જાય છે. આવી માનસિકતાથી આપણે જિંદગીમાં આવતા પડકારોને વધુ આત્મવિશ્વાસ સાથે હાથ ધરી શકીએ છીએ.

- રાજુ અંધારિયા

તેરમી સદીના ફારસી કવિ અને સૂફી સંત રૂમીની રચનાઓમાં એમની સમજદારી હરકોઈ માટે પ્રેરણાનો સ્રોત બની શકે છે. એમનું એક અવતરણ છેઃ તમે ચાલવાનો પ્રારંભ કરો એ સાથે તમને માર્ગ દેખાય છે. અહીં જિંદગીની સફર અને શોધની પ્રક્રિયાનું ગહન પ્રતિબિંબ ઝિલાય છે.