સ્માર્ટફોન રેડિયેશનઃ કેટલું સુરક્ષિત? કેટલું જોખમી?

‘ઍપલ કંપની’ના ‘આઈફોન-૧૨’ મોડેલ પર ફ્રાન્સે ‘રેડિયેશન સ્ટાન્ડર્ડ’ વધુ હોવાનું કારણ આપીને પ્રતિબંધ મૂકી દીધો છે ત્યારે ફરી એક વાર સ્માર્ટફોન રેડિયેશન ચર્ચામાં આવ્યું છે.

- 

ફ્રાન્સની રેડિયેશન-વાંચડાંગ એજન્સી તરફથી અચાનક જ બૉમ્બધડાકા જેવી એક જાહેરાત થોડા દિવસ અગાઉ કરવામાં આવી. જાહેરાત હતી આખી દુનિયામાં સ્ટેટસ સિમ્બૉલ થઈ ગયેલા આઈફોન-૧૨ મોડેલ પર પ્રતિબંધની. ઍપલ કંપનીના આ ફોનની પ્રસિદ્ધિ અને પ્રતિષ્ઠા જગવિખ્યાત છે, પણ ફ્રાન્સ જે કારણથી આઈફોન-૧૨ પર પ્રતિબંધ મૂક્યો એ કંપનીને ચિંતામાં મૂકી દે એવું છે.

ફ્રાન્સની રેડિયેશન-વૉચડૉગ એજન્સીએ કરેલાં પરીક્ષણોમાં આઈફોન-૧૨નું મોડેલ સમગ્ર યુરોપ માટે નિર્ધારિત કરાયેલા રેડિયેશન એક્સ્પોઝર લિમિટ (રેડિયેશનના સંપર્કમાં આવવાની મર્યાદા)ના નિયમોનું ઉલ્લંઘન કરે છે. એ માટે એસએઆર (સ્પેસિફિક એબ્સોર્બ્સન રેટ-SAR) નામનું માનાંકન કામે લગાડવામાં આવ્યું છે.

શું છે આ ‘સ્પેસિફિક એબ્સોર્બ્સન રેટ’?