અરીઝ ખંભાતા પદ્મભૂષણ (ઉદ્યોગ) દીર્ઘદૃષ્ટા ઉદ્યોગપતિ, સોજ્જા સજ્જન

ઊંચી કિંમત ધરાવતાં બહુરાષ્ટ્રીય કંપનીનાં ઠંડાં પીણાંની સામે એમણે સૉફ્ટ ડ્રિન્કનું એક એવું પૅક બજારમાં મૂક્યું, જેમાંથી સૉફ્ટ ડ્રિન્કના ૩૨ ગ્લાસ બની શકતા. અન્ય ઠંડાં પીણાંની તુલનાએ એની કિંમત દસમા ભાગની!

- 

આજે ચાલીસી વટાવી ગયેલી પેઢીને આઈ લવ યુ, રસના..વાળી એક સમયની અત્યંત લોકપ્રિય જાહેરાત અને પેલી ક્યૂટ છોકરી બરાબર યાદ હશે. ઑરેન્જ તથા અન્ય ફ્લેવરના ઝટપટ બની જતાં પીણાંની બ્રાન્ડના સર્જક એટલે કુશળ અને સોજ્જાસારા પારસી જેન્ટલમૅન અરીઝ પિરોજશા ખંભાતા. ૧૯ નવેમ્બર, ૨૦૨૨ના રોજ ૮૫ વર્ષની વયે જેમનું અવસાન થયું એ અરીઝ બાવાને તાજેતરમાં ભારત સરકારે પદ્મભૂષણ (મરણોત્તર) સમ્માન આપવાની જાહેરાત કરી.