ખાતા જાયે બનજારા..

૧૬ ઑક્ટોબરે દુનિયાભરમાં ઊજવાનારા ‘વિશ્વ આહાર દિવસ’ નિમિત્તે પ્રસ્તુત છે વર્ચ્યુઅલ મોજીલી મિજબાની..

- કેતન મિસ્ત્રી (મુંબઈ)

પખવાડિયા પહેલાં એક ટીવી શોમાં ગુજરાતથી આવેલાં એક સ્પર્ધક બહેને એક સંચાલકને કહ્યું કે અમારા ગુજરાતની ત્રણ વાતો ફેમસ છેઃ ‘ગીર, ગરબા ને ગાંઠિયા.' એ પછી ભલા સંચાલકે એ બહેન તથા અન્ય બહેનોને ગરબે ઘૂમવા દીધી.

ગાંઠિયા હોય કે ગોળપાપડી કે ગલકાં.. મુદ્દો છે સ્વાદ. એ આપણી પ્રજાની ફર્સ્ટ પ્રાયોરિટી છે. અને શું કામ ન હોય, ભલા? હજાર હાથવાળા ઈશ્વરે સમજી-વિચારીને જ સ્વાદેન્દ્રીય આપી હશે ને?