પ્રવાસન

લદ્દાખ પર્વતમાળાથી ઘેરાયેલી સ્પિતુક મોનેસ્ટી એટલે તિબેટન બુદ્ધિઝમનાં રંગો-ઉમંગો,ભીંતચિત્રો,પ્રતિમાઓ, મંત્રોચ્ચાર-મહોશંઓ અને સ્તૂપોથી સભર બૌદ્ધ મઠ

- 

લેહ-લદ્દાખનું નામ પડતાં જ મે મહિનાની ચાલીસ ડિગ્રીના ધોમ ધખતા તડકામાં જાણે ઍરકન્ડિશનને વીસ ડિગ્રીએ સ્થિર કર્યું હોય એવું ટાઢોડું વ્યાપી જાય છે અને થાય છે કે એસીનું હજારોનું બિલ ભરવા કરતાં એક આખો મહિનો લેહમાં વહેતી સિંધુના કિનારે રહેલા હોમ-સ્ટેમાં રહીને લેહના સ્થાનિક બૌદ્ધ મઠો explore કરીએ. તે મઠોના ગર્ભગૃહમાં બૌદ્ધ મૂર્તિ સમક્ષ ધ્યાન ધરી, મંત્રોચ્ચા૨ કરીએ અને તિબેટન બુદ્ધિઝમ, તેનાં વિધિવિધાનો શું છે? બૌદ્ધ ધર્મના Frescos અને Murals એટલે ભીંતચિત્રો અને મરુન અને પીળા રોબમાં તિબેટન બુદ્ધિઝમ ૫૨ જીવન સમર્પિત કરતાં બૌદ્ધ સાધુઓનું જીવન શું છે તે જાણીએ.

આવો એક વિચાર લઈને કે પ્રવાસની આવી એક પોતીકી રખડુ રીત લઈને લદ્દાખ જેવા ભારતના સૌથી ઊંચા પદા૨ [Plateau] પ્રદેશમાં આવેલા લેહ ગામમાં પહોંચ્યા પછી લેહમાં આવેલી અનેક મોનેસ્ટરીમાંની એક એવી સ્પિતુક મોનેસ્ટી કે સ્પિતુક બૌદ્ધ મઠને વિવિધ રીતે જોવા-જાણવાની અભ્યાસુ મજા લેવા જેવી છે.

અમદાવાદના સરદાર વલ્લભભાઈ પટેલ આંત૨૨ાષ્ટ્રીય હવાઈમથકેથી દિલ્હીના વન સ્ટોપ સહિતની અમદાવાદ-લેહ ફ્લાઇટ દ્વારા લેહ પહોંચ્યા પછી કે મિડ-મે કે જૂનના પ્રથમ સપ્તાહમાં ખૂલતા મનાલી-લેહ હાઈવે પરની રોડ ટ્રિપ કરીને લેહ પહોંચ્યા પછી પોતાની પ્રકૃતિને પ્રથમ લેહના વાતાવરણમાં અનુકૂલન સાધવા દઈને કે પોતાના શરીરને લેહના ૧૧,૦૦૦ ફૂટ ઊંચા high altitude વાતાવરણમાં યોગ્ય રીતે ગોઠવી લેહમાં રહેલી સ્પિતુક મોનેસ્ટરીનાં દ્વાર ખખડાવી શકાય. લેહના મેઇન બસ સ્ટેન્ડથી આઠ કિલોમીટ૨ અને લેહ ઍ૨પોર્ટથી walkable એવા ચાર-પાંચ કિલોમીટરના અંતરે રહેલી આ મોનેસ્ટરી સ્પિતુક નામના પર્વતોથી ઘેરાયેલા રૂપકડા ગામમાં રહેલી છે અને ૧૦,૮૫૨ ફૂટની ઊંચાઈએ એક ટેકરી પર રહેલી છે.

લેહ-લદ્દાખનો પ્રવાસ કરવાવાળા વિવિધ પ્રકારના પ્રવાસીઓમાંથી જુવાન, રખડુ અને એકલવી૨ હિમાલયપ્રેમીઓ તો ચાર-પાંચ કિલોમીટર ચાલીને સ્પિતુક બૌદ્ધ મઠ સુધી પહોંચે છે અને એ વૉકમાં વચ્ચે આવતા લૅન્ડસ્કેપને કૅમેરાની ઝોળીમાં ભરીને સ્પિતુકને એક આખો દિવસ બક્ષી અને explorationનો અનેરો આનંદ અંકે કરે છે.