હેલ્થ સ્પેશિયલ

પાચનતંત્ર સુધારનારાં જુદાં-જુદાં પાણી

- હેતલ ભટ્ટ

વર્તમાન સમયમમાં આપણી જીવનશૈલી અને પાચનક્રિયા બંને બગડી રહ્યા છે. અયોગ્ય આહાર પદ્ધતિ અને ખરાબ જીવનશૈલીને કારણે આપણે અજાણતા ઘણી બધી બીમારીઓનો શિકાર બની જઈએ છીએ. નાની ઉંમરમાં ક્રોનિક ડિસીઝ એટલે કે સતત સાથે રહે એવા અસાધ્ય રોગ જેવા કે ડાયાબિટીસ, બ્લડપ્રેશર અને થાઇરૉઇડ વગેરેના રોગી બની જઈએ છીએ. જો પાચનતંત્ર સતેજ હોય તો બીમારીઓ દૂર રહે છે, પરંતુ જો પાચનતંત્ર ખોરવાયું તો વ્યક્તિ નાની-મોટી અનેક બીમારીઓનો શિકાર બની જાય છે. ઘણા લોકો ખરાબ પાચનને કારણે ગેસ, કબજિયાત અને એસિડિટી જેવી પાચનસંબંધી સમસ્યાઓથી પીડાતા હોય છે. પાચન સુધારવા માટે ભોજન પદ્ધતિ-આહાર પ્રણાલી સુધારવી જરૂરી બની રહે છે. કસરત કરવી મહત્ત્વની બની રહે છે. સાથે જ કેટલાક નુસખા પણ અપનાવવાથી લાભ મળે છે. આપણા રસોડામાં જ પાચન સંબંધી સમસ્યાઓનું નિરાકરણ ઉપલબ્ધ છે. અજમો, જીરું, વરિયાળી, હિંગ, મેથી, સંચળ વગેરે પાચન સાથે જોડાયેલી સમસ્યાઓને દૂર કરવામાં મહત્ત્વનો ભાગ ભજવે છે. જીરા, અજમા અને વરિયાળીનું પાણી પીવાથી પાચન સાથે જોડાયેલી સમસ્યાઓમાં રાહત મળે છે. કઈ સમસ્યામાં કયું પાણી પીવું જોઈએ તેની વાત કરીએ.

વરિયાળીનું પાણી

વરિયાળીનું પાણી વરિયાળીમાં શીત ગુણ રહેલો છે. એટલે કે તેની તાસીર ઠંડી છે.