Be a Rohit Sharma of Investment ഇപ്പോൾ നിക്ഷേപിക്കാം വൈകാതെ കപ്പടിക്കാം

നിക്ഷേപതന്ത്രങ്ങളിൽ ചില്ലാ അഡ്ജസ്റ്റ്മെന്റുകൾ വരുത്താവുന്ന ഒരു കാലഘട്ടം കൂടിയാണിത്. സ്മാർട്ട് ഇൻവെസ്റ്ററാവാനുള്ള ധാരാളം കാര്യങ്ങൾ ഇപ്പോഴുണ്ട്.

- 

ഈയിടെ ഇന്ത്യ നേടിയ ഐസിസി ചാംപ്യൻസ് ട്രോഫിയിൽ കളിമികവും പുതിയ ആശയങ്ങളും ധാരാളമുണ്ടായിരുന്നു. ഒരു കളിയും തോൽക്കാതെ ഇന്ത്യ നേടിയ വിജയത്തിൽ സാഹചര്യത്തിനനുസരിച്ചുള്ള ബുദ്ധിപ്രയോഗങ്ങൾ അനവധിയായിരുന്നു. നാലു സ്പിന്നർമാരുമായി ദുബായിക്കു പോയതുൾപ്പെടെയുള്ള കാര്യങ്ങൾ തന്ത്രങ്ങളിൽപെടുത്താം.

കലാശപ്പോരാട്ടത്തിൽ കുൽദീപ് യാദവിനെ ആദ്യ പത്ത് ഓവർ കഴിഞ്ഞ ഉടനെ പന്തെറിയാൻ രോഹി ത് ശർമ വിളിച്ചതുമുതൽ ഇന്ത്യയുടെ ആസൂത്രണ മികവു ദൃശ്യമായി. അതുപോലെ വരുൺ ചക്രവർത്തിയുടെ മിസ്റ്ററി സ്പിൻ റീഡ് ചെയ്യാനാവാത്ത എതിർ ബാറ്റ്സ്മാന്മാർ ആരായിരിക്കുമെന്നതും രോഹിത് ശർമ കൃത്യമായി പഠിച്ചിരുന്നു. ഇവിടെയെല്ലാം സാഹചര്യങ്ങളെ കൃത്യമായി മനസ്സിലാക്കുന്ന, അതിനനുസരിച്ച് പ്ലെയേഴ്സിനെ പാകപ്പെടുത്തി ഉപയോഗിക്കുന്ന നായകനെയും മാനേജ്മെന്റിനെയും നമുക്കു കാണാനാവും. ഇതു നിക്ഷേപത്തി ന്റെ കാര്യത്തിൽ അനുവർത്തിക്കാനായാൽ നിങ്ങൾക്കും മികച്ച നേട്ടം ഉറപ്പാക്കാം ഓഹരിവിപണിയിൽ ആറു മാസമായി തുടരുന്ന ഇടിവിനിടയിൽ കുടുങ്ങിക്കിടക്കുകയാണ് സാധാരണ നിക്ഷേപകർ. മ്യൂച്വൽഫണ്ട് ഓഹരി നിക്ഷേപങ്ങളിൽ കൂടുതൽ ഭയം ഗ്രസിച്ചിരിക്കുന്നത് പുതിയ നിക്ഷേപകർക്കാണ്. പ്രത്യേകിച്ച് ട്രേഡിങ് മനോഭാവമുള്ളവർക്ക്.

പഴയതായാലും പുതിയതായാലും ലോങ് ടേം പ്ലാനിങ്ങോടെ നിക്ഷേപം നടത്തിയവർക്ക് ഇതൊന്നും പ്ര ശ്നമല്ല. അവർ ഈ നീണ്ടുപോയ ഇടിവിനെ അവസരമാക്കുന്നു എന്നും കാണാം. ഭാരതത്തെ സംബന്ധി ച്ചു പ്രതീക്ഷ പകരുന്ന ഘടകങ്ങൾ ധാരാളമാണന്നും ലോകത്തിന്റെ ഗതിവിഗതികളിൽ നമുക്കു പ്രത്യേകിച്ചൊന്നും ചെയ്യാനില്ലെന്നും ക്ഷമയോടെ കാത്തിരിക്കുക മാത്രമാണു മാർഗമെന്നും ഇത്തരക്കാർ കരുതുന്നു.