സീൻ അത്ര ഡാർക്കല്ല എസ്ഐപി തുടരാം

സ്മാൾക്യാപ്, മിഡ് ക്യാപ്, ലാർജ് ക്യാപ്, ഫ്ലക്സി ഏതായാലും, ഒറ്റക്കാര്യം, നമ്പർ വൺ ഫണ്ടുകളിൽ വേണം നിക്ഷേപം.

- സനിൽ ഏബ്രഹാം ഷെയർവെൽത്ത് സെക്യൂരിറ്റീസ്

ഫെബ്രുവരി ആദ്യവാരം ദേശീയതലത്തിൽ ' മ്യൂച്വൽഫണ്ട് സെക്ടറിൽ ഒരു വിവാദം കത്തിപ്പടർന്നു. അതിനു തുടക്കംകുറിച്ചത് സുഡൻഷ്യൽ മ്യൂച്വൽ ഫണ്ടിന്റെ ഐസിഐസിഐ ചീഫ് ഇൻവെസ്റ്റ്മെന്റ് ഓഫിസറായ എസ്. നരനായിരുന്നു. ചെന്നൈയിൽ നടന്ന മ്യൂച്വൽഫണ്ട് വിതരണക്കാരുടെ വിപുലമായ സമ്മേളനത്തിൽ അദ്ദേഹം സ്മോൾ ക്യാപിലെയും മിഡ് ക്യാപിലെയും എസ്ഐപി നിക്ഷേപത്തിന്റെ സാധുതയെ ചോദ്യം ചെയ്തു. ഈ രണ്ടു വിഭാഗങ്ങളും നിലവിൽ ഓവർ വാല്യുഡ് ആയതിനാൽ എസ്ഐപി നിക്ഷേപം നഷ്ടക്കച്ചവടമാകുമെന്നായിരുന്നു അദ്ദേഹത്തിന്റെ മുന്നറിയിപ്പ്. അതിനു തെളിവായി അദ്ദേഹം പഴയ ചില കണക്കുകളും അവതരിപ്പിച്ചു. ആഗോള സാഹചര്യങ്ങളാൽ ഇടിഞ്ഞുനിൽക്കുന്ന നിലവിലെ വിപണിയിൽ ലാർജ് ക്യാപ്, ഫ്ലെക്സി ക്യാപ് തുടങ്ങിയവയിൽ വേണം നിക്ഷേപകർ എസ് ഐപി നടത്താനെന്നും അദ്ദേഹം പറഞ്ഞു. നിർഭാഗ്യവശാൽ തന്റെതന്നെ സെയിൽസ് ടീമിനെ ഈ വിഷയം പറഞ്ഞു മനസ്സിലാക്കാനാവുന്നില്ലെന്നും അദ്ദേഹം കുട്ടിച്ചേർത്തു.

വിതരണക്കാർ മിസ് സെല്ലിങ് നടത്തിയാൽ നിക്ഷേപകരോടു ഭാവിയിൽ നിങ്ങൾ സമാധാനം പറയേണ്ടി വരുമെന്ന ടോൺ കൂടിയായപ്പോൾ വിതരണക്കാർ പരിഭ്രാന്തിയിലായി. പിന്നീടതു ദേശവ്യാപകമായ ഒരു ഡിബേറ്റായി മാറി. വിവിധ ഫണ്ടുകളുടെ തലപ്പത്തുള്ളവർ നരേന്റെ പ്രസ്താവനയെ പ്രതികൂലിച്ചു രംഗത്തുവന്നു. ദീർഘകാല നിക്ഷേപകരെ സംബന്ധിച്ച് ഇത്തരം വിലയിരുത്തലുകൾക്കു യാതൊരു പ്രസക്തിയുമില്ലെന്നായിരുന്നു മ്യൂച്വൽ ഫണ്ട് മേഖലയിൽ നിന്നുള്ള ഭൂരിഭാഗം പേരുടെയും പ്രതികരണം.

ഇനി കണക്കുകളിലേക്കു നോക്കാം ഓഹരിവിപണിയിൽ കരടിവിളയാട്ടത്തിന്റെ സമയമാണെങ്കിലും ചെറുകിട നിക്ഷേപകരുടെ ശക്തമായ പിന്തുണയോടെ മ്യൂച്വൽഫണ്ട് വ്യവസായം പിടിച്ചു നിൽക്കുന്നുവെന്നു വിലയിരുത്താം. ജനുവരിയിലെ കണക്കു പരിശോധിച്ചാൽ ഓഹരിയധിഷ്ഠിത ഫണ്ടുകളിൽ 39,688 കോടി രൂപയുടെ നിക്ഷേപം വന്നിട്ടുണ്ട്. ഡിസംബറിനെ അപേക്ഷിച്ച് 3.6 ശതമാ നത്തിന്റെ കുറവു മാത്രം. മാത്രമല്ല 2024ലെ പ്രതി മാസ ശരാശരിയെക്കാൾ 21 ശതമാനത്തിന്റെ വർധനവുമുണ്ട്. തീമാറ്റിക് ഫണ്ടുകളിൽ 9017 കോടി രൂപയും ഫ്ലക്സി ഫണ്ടുകളിൽ 5,721 കോടി രൂപയുമാണു വന്നത്.