നിങ്ങളുടെ ആനന്ദം അന്യന്റെ തോട്ടത്തിൽ വിളയില്ല

അടുത്ത പാടത്തേക്ക് നോക്കിയിരുന്നു സ്വന്തം വിളവ് ഉണക്കിക്കളയുന്നവൻ വിഡ്ഢിയാണ്. നമ്മുടെ വിള എങ്ങനെ കളയില്ലാതെ വളർത്താം എന്നാണ് ചിന്തിക്കേണ്ടത്.

- പുളിക്കൻസ്

കച്ചവടത്തിൽ വിജയം എന്നത് മുൻപിൻ നോക്കാതെ കൂടുതൽ കൂടുതൽ സമ്പാദിക്കാനുള്ള ലൈസൻസല്ല. വിജയത്തിന്റെ വമ്പിലും വീമ്പിലും എല്ലാം വെട്ടിപ്പിടിക്കാനും എല്ലാവരെയും കെട്ടിപ്പിടിക്കാനുമുള്ള വ്യഗ്രത മനുഷ്യ സഹജമാണ്. അവിടെയാണ് വിവേകം വേണ്ടത്. ആവശ്യസമയത്ത് ആവശ്യത്തിനായി എന്നു പറയാനുള്ള തിരിച്ചറിവുണ്ടാകുക എന്നതാണ് പ്രധാനം.