ആരോഗ്യ രക്ഷക് മെഡിക്കൽ പോളിസികളിൽ വ്യത്യസ്തം: മികച്ചത്

എൽഐസി വിപണിയിലെത്തിക്കുന്ന വ്യത്യസ്തമായ ഹെൽത്ത് പോളിസിയുടെ സവിശേഷതകൾ അറിയാം.

- ഇത്തരത്തിലുണ്ടാകുന്ന വർധനവിനു പരിധിയുമില്ല. സി.എസ്.രഞ്ജിത്ത് പ്രമുഖ കോളമിസ്റ്റും വേൾഡ് ബാങ്ക് കൺസൽറ്റന്റുമാണ് ലേഖകൻ.

രാജ്യത്ത് ഇന്നു നിലവിലുള്ള മെഡിക്കൽ ഇൻഷുറൻസ് പോളിസികളിൽ സമാനതകളില്ലാത്ത പോളിസി. എൽഐസിയുടെ ആരോഗ്യ രക്ഷക്' പോളിസിയെ അങ്ങനെ വിശേഷിപ്പിക്കാം. ജീവൻ ആരോഗ്യ എന്നായിരുന്നു ആദ്യ പേര്. പിന്നീട് മെച്ചപ്പെടുത്തി പരിഷ്കരിച്ചിറക്കിയപ്പോൾ “ആരോഗ്യ രക്ഷക്' എന്ന് പുനർനാമകരണം ചെയ്യുകയായിരുന്നു.

വിപണനശ്രമങ്ങളിൽ മുഴങ്ങിക്കേൾക്കുന്ന പോളിസിയല്ല ആരോഗ്യരക്ഷക്. വിവിധ അസുഖങ്ങൾ വരുമ്പോൾ പോളിസിയുടമയ്ക്കും കുടുംബത്തിനും സാമ്പത്തികസുരക്ഷ നൽകുന്ന വ്യക്തിഗത ആരോഗ്യ ഇൻഷുറൻസ് പോളിസിയാണിത്. ഒരു പതിറ്റാണ്ടിലേറെയായി ലൈഫ് ഇൻഷുറൻസ് കോർപ്പറേഷൻ ഇതു ലഭ്യമാക്കുന്നുണ്ടെങ്കിലും പലരും കേട്ടിട്ടുണ്ടാകില്ല.

ഡെയ്ലി ബെനിഫിറ്റ് അഡ്മിറ്റായാൽ പണം ഇങ്ങനെയെല്ലാം

സാധാരണ ഹെൽത്ത് പോളിസിയിലെ സം അഷ്വർഡ് , ആരോഗ്യരക്ഷകിൽ ഡെയിലി ബെനിഫിറ്റ് എന്നാണ് അറിയപ്പെടുന്നത്. അപകടം, രോഗം എന്നിവമൂലം 24 മണിക്കൂറിൽ കൂടുതൽ ആശുപത്രിയിൽ കിടത്തി ചികിത്സ വേണ്ടിവന്നാൽ ഓരോ ദിവസത്തിനും നിശ്ചിത തുക പോളിസിയുടമയ്ക്കു ലഭിക്കും. തുടക്കത്തിൽ പതിനായിരം രൂപവരെ ഡെയിലി ബെനിഫിറ്റ് ലഭിക്കുന്ന രീതിയിൽ പോളിസി എടുക്കാം.