തൊഴിൽ ചെയ്യുന്നവർക്കും കുടുംബത്തിനും എല്ലാ ചികിത്സയും സൗജന്യം

മാസം 21,000 രൂപയിൽ താഴെ വരുമാനമുള്ളവർക്ക് എപ്ലോയീസ് സ്റ്റേറ്റ് ഇൻഷുറൻസിൽ (ESI) തുച്ഛമായ വിഹിതം അടച്ച് സാദാ രോഗങ്ങൾക്കുമുതൽ മാരകരോഗങ്ങൾക്കുവരെ മികച്ച ചികിത്സ സൗജന്യമായി നേടാം.

- 

സംഘടിത മേഖലയിൽ ഇന്ത്യാ ഗവൺമെന്റ് 1948ൽ പാസാക്കിയ എപ്ലോയീസ് സ്റ്റേറ്റ് ഇൻഷുറൻസ് ആക്ട് പ്രകാരം സംഘടിത മേഖലയിലെ തൊഴിലാളികൾക്ക് രോഗം, പ്രസവം, തൊഴിൽനഷ്ടം അപകടം മൂലമുള്ള മരണം, എന്നിവയ്ക്കടക്കം സംരക്ഷണം നൽകുന്ന പദ്ധതിയിൽ എല്ലാവിധ ചികിത്സാച്ചെലവും ലഭ്യമാണ്.

എന്ത്? എങ്ങനെ?

21,000 രൂപവരെ മാസശമ്പളമുള്ളവർക്കാണ് നിലവിൽ ഇഎസ്ഐ അംഗത്വത്തിന് അർഹത. ഭിന്നശേഷി ക്കാരാണെങ്കിൽ 25,000 രൂപവരെയാണ് ഈ പരിധി. ശമ്പളത്തിന്റെ 1.75% തൊഴിലാളി നൽകണം. ഓരോ തൊഴിലാളിയുടെയും ശമ്പളത്തിന്റെ 4.75% തൊഴിലുടമയും നൽകണം. ദിവസം 100 രൂപവരെ വേതനമുള്ളവർ തൊഴിലാളി വിഹിതം അടയ്ക്കേണ്ട പക്ഷേ, തൊഴിലുടമ വിഹിതം നൽകണം.

ഇഎസ്ഐ റജിസ്ട്രേഷനെടുത്ത് വിഹിതം അടയ്ക്കുന്നവർക്ക് സാധാരണ പനിമുതൽ മാരകമായ രോഗങ്ങൾക്കുവരെ ചികിത്സ, പണം മുടക്കാതെതന്നെ ലഭിക്കാനുള്ള അവസരമുണ്ട്. ഇഎസ്ഐ അംഗത്വമുള്ളവരുടെ കുടുംബാംഗങ്ങൾക്കും ഈ ആനുകൂല്യം കിട്ടും

സാധാരണ രോഗങ്ങൾക്ക് ഇഎസ്ഐ അംഗമായി മൂന്നു മാസമെങ്കിലും ജോലി ചെയ്യുകയും 39 ദിവസത്തെ വിഹിതം അടയ്ക്കുകയും ചെയ്തവർക്കും കുടുംബാംഗങ്ങൾക്കും സാധാരണ രോഗങ്ങൾക്കുള്ള എല്ലാ ചികിത്സയും സൗജന്യമാണ്.

സൂപ്പർ സെഷ്യൽറ്റി ചികിത്സ - ആറുമാസം ജോലിചെയ്യുകയും 78 ദിവസത്തെ വിഹിതം അടയ്ക്കുകയും ചെയ്താൽ സൂപ്പർ സ്പെഷ്യൽറ്റി ചികിത്സയ്ക്ക് അർഹത കിട്ടും.