വെയറീസ് യുവർ ഇൻവെസ്റ്റ്മെന്റ്

വരുമാനത്തിന്റെ 30 ശതമാനമെങ്കിലും ചിട്ടയായി നിക്ഷേപിക്കുക. താൻ പാതി, ദൈവം പാതി' എന്നല്ലേ. ഇത്രയും നിങ്ങൾ ചെയ്താൽ ബാക്കി വിപണിയും സമ്പദ്വ്യവസ്ഥയും നിങ്ങൾക്കായി ചെയ്തു നൽകും.

- കെ.കെ.ജയകുമാർ പ്രമുഖ ഫിനാൻഷ്യൽ ജേണലിസ്റ്റും ഇൻഫർമേഷൻ പബ്ലിക് റിലേഷൻസ് വകുപ്പിൽ ഉദ്യോഗസ്ഥനുമാണ് ലേഖകൻ jayakumarkk@gmail.​com

ജൂലൈ 31 കഴിഞ്ഞാൽ പിറ്റേന്ന് എന്നെ വന്നു കാണുന്ന കുറച്ചു സുഹൃത്തുക്കളുണ്ട്. ഇൻകംടാക്സ് പ്ലാനിങ്ങിന് കാവിലെ അടുത്ത പാട്ടുമത്സരത്തിനു കാണാമെന്നു പറഞ്ഞു പോകുന്നവർ. അവരൊക്കെ ഇപ്പോൾ എവിടെയാണാവോ?

വേണാടിൽ വീട്ടിലേക്കു പോകവേ ഫോണിലൂടെയുള്ള എന്റെ സംസാരം കേട്ട് എതിർവശത്തിരുന്ന യുവതി ചിരിച്ചു. ഞാൻ ഫോൺ വച്ചതും യുവതി പറഞ്ഞുതുടങ്ങി

"സാർ സാമ്പാദ്യം, നിക്ഷേപം എന്നിവയെക്കുറിച്ചു വാതോരാതെ സംസാരിച്ചിട്ടും കേൾക്കുന്ന ആൾക്ക് ഒരു താൽപര്യവും ഇല്ലല്ലേ? ഇനി ഈ ടാക്സ് പ്ലാനിങ്ങിനൊന്നും സാധ്യതയില്ല. ന്യൂ റെജിം ഉള്ളപ്പോൾ ടാക്സ് സേവറിലൊന്നും നിക്ഷേപിച്ചിട്ട് കാര്യവുമില്ല.' അവൾ തുടർന്നു.

"ടാക്സ് സേവറിൽ വേണ്ട. നിങ്ങൾ യുവ തലമുറ ഇനി നിക്ഷേപമേ വേണ്ട എന്നു തീരുമാനിക്കാതിരുന്നാൽ മതി. ഞാൻ പറഞ്ഞു.