വിപണിയിൽ വസന്തം വിരിയിക്കാൻ ഇനി എംഎൻസികളും

ആഗോള വമ്പന്മാർ ലിസ്റ്റ് ചെയ്യുന്നതോടെ ഓഹരി വിപണിയിൽ വലുതും മികച്ചതുമായ ഒട്ടേറെ അവസരങ്ങൾ നിക്ഷേപകർക്കു മുന്നിൽ തുറക്കും.

- സനിൽ ഏബ്രഹാം

നല്ലൊന്നാന്തരം ആഗോള കമ്പനികളുടെ ഒരു നിരതന്നെ ഇന്ത്യൻ ഓഹരിവിപണിയിലേക്കു കടന്നുവരാൻ തയാറെടുക്കുകയാണ്. ഇന്ത്യയിൽ പ്രവർത്തിക്കുന്ന മൾട്ടി നാഷണൽ കമ്പനികൾ (എംഎൻസി) ഇവിടെ ലിസ്റ്റ് ചെയ്യണമെന്ന നിബന്ധനയൊന്നും ഇല്ല. എന്നിട്ടും, ഇന്ത്യയുടെ വളർച്ച മനസ്സിലാക്കി വിപണിയിൽ പങ്കാളിത്തമെടുത്തു നേട്ടം കൊയ്യാനുള്ള ശ്രമത്തിലാണ് ഒരുപറ്റം ബഹുരാഷ്ട്ര കമ്പനികൾ.

അതിൽ ആദ്യത്തെ പേര് തെക്കൻ കൊറിയയിലെ പാസഞ്ചർ കാർ നിർമാതാവായ ഹണ്ട് മോട്ടർ കമ്പനിയാണ്. സമീപകാലത്ത്, പ്രധാന എതിരാളികളായ മാരുതി, ടാറ്റാ മോട്ടോഴ്സ്, മഹീന്ദ്ര എന്നിവയുടെ ഓഹരിവിലയിലെ കുതിപ്പ് കാണുമ്പോൾ ഹ്യൂണ്ടയുടെ ഓഹരിക്കും ആവശ്യക്കാരേറെയുണ്ടാവും എന്നതുറപ്പ്.

25,000 കോടിയുടെ വമ്പൻ ഐപിഒ

ഹ്യൂണ്ടയ് മോട്ടർ ഇന്ത്യയുടെ 25,000 കോടി രൂപയുടെ ഐപിഒ രാജ്യത്ത് ഇതുവരെ നടന്നതിൽ ഏറ്റവും വലുതായിരിക്കും. പുതിയ വാഹനങ്ങൾ, ഇന്ത്യയ്ക്കുവേണ്ടി മാത്രമുള്ള വാഹനങ്ങൾ, ഗവേഷണം തുടങ്ങിയവയ്ക്കാണ് പണം സമാഹരിക്കുന്നത്. ഹ്യൂണ്ടയുടെ വിപുലമായ പദ്ധതികൾ പാസഞ്ചർ കാർ മേഖലയിൽ ഒരു പ്രസ് വാറിനു കളമൊരുക്കുമെന്നത് ഉപഭോക്താവിനും ഗുണകരമാകും. ലിസ്റ്റിങ്ങിനുള്ള അപേക്ഷ ഹ്യൂണ്ടയ് സെബിക്ക് സമർപ്പിച്ചുകഴിഞ്ഞു. അപേക്ഷയുടെ ഡ്രാഫ്റ്റ് റെഡ് ഹെറിങ് പ്രോസ്പെക്ടസിൽ പരാമർശിച്ചിട്ടുള്ള 82 റിസ്ക് ഘടകങ്ങളെക്കുറിച്ചു സെബി ചോദ്യങ്ങൾ ഉന്നയിച്ചിട്ടുണ്ടത്രേ! എന്തായാലും സെബിയുടെ അനുമതി ലഭിച്ച ശേഷമേ വിലയും അനുബന്ധ കാര്യങ്ങളും അറിയാനാകൂ. ഹണ്ട് മോട്ടർ ഇന്ത്യയുടെ 17.5% ഓഹരികളാകും ഇന്ത്യൻ വിപണിയിലേക്കെത്തുക എന്നാണ് റിപ്പോർട്ട്.

ക്യൂവിലുണ്ട് കൂടുതൽ വമ്പന്മാർ