ഒരു നോട്ടംകൊണ്ട് കച്ചവടത്തിൽ നേട്ടം ഉറപ്പാക്കാം

ആ നോട്ടത്തിൽ നിങ്ങളുടെ നേട്ടത്തോടൊപ്പം ഉപഭോക്താവിന്റെ നേട്ടവും ലക്ഷ്യമാക്കണമെന്നു മാത്രം.

- പുളിക്കൻസ്

ചന്തയിൽ മത്സ്യം വിൽക്കുകയായിരുന്നു മുല്ല. മത്സ്യത്തെക്കുറിച്ച് അതിശയോക്തിയോടെ സംസാരിച്ചു കൊണ്ടാണു വിൽപന. ഇതുകണ്ട് മറ്റൊരു വിൽപനക്കാരൻ ചോദിച്ചു: “മുല്ലാ, താങ്കൾ മത്സ്യത്തിന്റെ വലുപ്പത്തെയും ഗുണത്തെയും കുറിച്ച് ഓരോരുത്തരോടും ഓരോ വിധത്തിലാണല്ലോ സംസാരിക്കുന്നത്.' “അതെ, പക്ഷേ...' ഒന്നു നിർത്തിയിട്ട് മുല്ല പറഞ്ഞു: “ഒരാൾ വിശ്വസിക്കുമെന്നു ഞാൻ കരുതുന്നതിനപ്പുറമുള്ള ഒന്നും ഞാൻ ആരോടും പറയാറില്ല.' വിൽപനയുടെ മനശ്ശാസ്ത്രത്തിൽ മുല്ലയുടെ ഈ വിശ്വാസപ്രമാണം ആപത്താണ്. കട എത ചെറുതായാലും വലുതായാലും കടയിലേക്കു സാധനം വാങ്ങാനെത്തുന്നവരുടെ ഏറ്റവും വലിയ വിശ്വാസം കടയുടമ തങ്ങളെ ചതിക്കില്ല എന്നതാണ്. ആ വിശ്വാസത്തിന് ഒരിക്കൽ ഉടവുതെറ്റിയാൽ അടിയറവു പറയേണ്ടി വരിക സ്ഥാപനത്തിന്റെ ഉടമ തന്നെയാകും.