ഫിനാൻഷ്യൽ ഗോളുകൾ എങ്ങനെ സെറ്റ് ചെയ്യാം

ഓരോ സ്വപ്നത്തിനും ഒരു ഫിനാൻഷ്യൽ ഗോൾ ഉണ്ടാകണം. ഓരോ ഗോളും സെറ്റ് ചെയ്യുമ്പോൾ എന്ത്? എപ്പോൾ? എത്ര വിലയ്ക്ക് എന്നീ മൂന്നു കാര്യങ്ങൾ ശ്രദ്ധിക്കുകയും വേണം.

- ബാലചന്ദ്രൻ വിശ്വാറാം ഇൻഷുറൻസ്, മ്യൂച്വൽ ഫണ്ട് അഡ്വൈസർ

സാധാരണക്കാർ മ്യൂച്വൽഫണ്ടുകൾ തിരഞ്ഞെടുക്കുന്നത് അതു നൽകുന്ന വാർഷികനേട്ടം റിട്ടേൺ നോക്കിയാണ്. ഇനി ഒരു അംഗീകൃത മ്യൂച്വൽഫണ്ട് വിതരണക്കാരനെ സമീപിച്ചാലും നിങ്ങളുടെ ആദ്യചോദ്യം ഈ ഫണ്ട് എത്ര റിട്ടേൺ തരുമെന്നായിരിക്കും. അങ്ങനെ ചിന്തിക്കുന്നതു തെറ്റല്ല. കാരണം പൈസ ഉണ്ടാക്കാനാണല്ലോ മ്യൂച്വൽഫണ്ടുകളിൽ നിക്ഷേപിക്കുന്നത്.

പക്ഷേ, ഏതു ഫണ്ടിൽ നിക്ഷേപിക്കണം എന്നതിലുമുപരി എന്തിനു നിക്ഷേപിക്കണം എന്നതിനാണ് പ്രസക്തി. ഇതിനെ നമുക്കു ഫിനാൻഷ്യൽ ഗോൾ സെറ്റിങ് സാമ്പത്തികലക്ഷ്യം തീരുമാനിക്കൽ എന്നു പറയാം. ആ ലക്ഷ്യം എന്തും ആവാം. അതു മൂന്നു മാസം മുതൽ 30 വർഷം വരെ കാലയളവിൽ പൂർത്തികരിക്കേണ്ടതാകാം. ഉദാഹരണത്തിന് കാർ വാങ്ങുന്നത്, വീടുപണി, കുട്ടികളുടെ ഉപരിപഠനം അങ്ങനെയങ്ങനെ...