ഇനിയും വില ഉയരാവുന്ന പൊതുമേഖലാ ഓഹരികൾ എങ്ങനെ കണ്ടെത്താം?

വില കൂടി നിൽക്കുന്ന ഈ സമയത്ത് പൊതുമേഖലാ ഓഹരികൾ നിക്ഷേപയോഗ്യമാണോ എന്നു കണ്ടെത്താൻ ഡിസ്കൗണ്ടഡ് കാഷ് ഫ്ലോ രീതി ഉപയോഗപ്പെടുത്താം.

- അലക്സ് കെ. ബാബു ഹെഡ്ജ് ഗ്രൂപ്പ് ഓഫ് കമ്പനീസിന്റെ ചെയർമാൻ, മാനേജിങ് ഡയറക്ടർ

കഴിഞ്ഞ ഒന്നുരണ്ടു വർഷമായി പൊതുമേഖലാ ഓഹരികൾ നടത്തിയ കുതിപ്പ് അതിശക്തമായിരുന്നു. പല പൊതുമേഖലാ ഓഹരികളുടെയും വില പലമടങ്ങ് ഉയർന്നു. ഇത ശക്തമായ റാലിക്കുശേഷം ഇപ്പോഴത്തെ നിലയിൽ ഈ ഓഹരികൾ നിക്ഷേപയോഗ്യമാണോ അതോ ചെലവേറിയതാണോ എന്ന ആശയക്കുഴപ്പം നിക്ഷേപകർക്കുണ്ട്.

പ്രതിരോധം, ഊർജം, റോഡ്, റെയിൽവേ, തുറമുഖം, ലോഹങ്ങളും ധാതുക്കളും, നിർമാണം, ഇന്ധന വിപണനവും ഉൽപാദനവും തുടങ്ങിയ പൊതുമേഖലയുടെ നിയന്ത്രണത്തിലുള്ള വിവിധ രംഗങ്ങളിൽ സർക്കാർ നടത്തുന്ന മൂലധന നിക്ഷേപം ഗണ്യമായതോതിൽ തുടരുന്നതിനാൽ പല പൊതുമേഖലാ കമ്പനികളുടെയും ബിസിനസിൽ ഇനിയും കുതിച്ചുചാട്ടം ഉണ്ടാകാനും അതിനനുസൃതമായി ഇനിയും അവയുടെ ഓഹരികൾ മുന്നേറ്റം നടത്താനും സാധ്യതയുണ്ട്.

അതേ സമയം പലമടങ്ങ് മുന്നേറ്റം നടത്തിയ ഈ ഓഹരികളിൽനിന്ന് ന്യായമായ മൂല്യത്തിൽ വ്യാപാരം ചെയ്യുന്ന ഓഹരികളെ കണ്ടെത്താൻ ശ്രമിക്കുന്ന ദീർഘകാല നിക്ഷേപകരെ സംബന്ധിച്ച് മൂല്യനിർണയം വളരെ പ്രധാനമാണ്.

ന്യായവില എങ്ങനെ കണ്ടെത്തും?