ഫ്ലാറ്റോ ഡിമിനിഷിങ്ങോ? ഏതിലാണ് വായ്പ ലാഭം?

പലിശ ശതമാനത്തോളം കുറവാണെന്നു കരുതി ഫ്ലാറ്റ് റേറ്റിൽ വായ്പ എടുക്കും മുൻപ് സ്വയം കണക്കുകൂട്ടി നോക്കണം.

- സുബിൻ

വായ്പയ്ക്കായി ബാങ്കിനെ, ധനകാര്യ സ്ഥാപനത്തെ സമീപിച്ചാൽ അവർ ഫ്ലാറ്റ് റേറ്റും ഡിമിനിഷിങ് റേറ്റും പറയും. ഉദാഹരണത്തിന് ഫ്ലാറ്റ് റേറ്റ് 7% ആണ്, ഡിമിനിഷിങ് റേറ്റ് 12% ആണ് എന്നു പറയുമ്പോൾ ഇതിൽ ഏതു തിരഞ്ഞെടുക്കണം, ഏതാണു ലാഭകരം എന്ന് മനസ്സിലാക്കാൻ പലർക്കും സാധിക്കാറില്ല. വായ്പ നൽകുന്ന പല സ്ഥാപനങ്ങളും ഉപയോക്താവിന്റെ ഈ അറിവില്ലായ്മയെ ചൂഷണം ചെയ്യുന്നുമുണ്ട്. എന്താണ് ഈ ഫ്ലാറ്റ്- ഡിമിനിഷിങ് റേറ്റുകൾ? എതാണു ലാഭം?

 ഫ്ലാറ്റ് റേറ്റ്

ഫ്ലാറ്റ് റേറ്റിൽ നിങ്ങൾ മുതലിലേക്ക് എത്ര തുക അടച്ചാലും പലിശയിനത്തിൽ കുറവൊന്നും വരില്ല. നിങ്ങൾ മൂന്നു വർഷ കാലാവധിയിൽ, 7% ഫ്ലാറ്റ് റേറ്റിൽ രണ്ടു ലക്ഷം രൂപ വായ്പ എടുക്കുന്നു എന്നു കരുതുക. ഇവിടെ 36 മാസത്തവണയായി എത്ര രൂപ തിരിച്ചടയ്ക്കേണ്ടി വരുമെന്നു നോക്കാം.