ഓണം ഷോപ്പിങ് ഓൺലൈനിലൂടെ

കടകളിൽ ഒരു സമയം ഒരു ഓഫർ മാത്രമേ ലഭ്യമാകാറുള്ളൂ. എന്നാൽ, ഓൺലൈനിൽ കാര്യങ്ങൾ അങ്ങനെയല്ല. ഓൺലൈൻ ഷോപ്പിങ്ങിൽ നേട്ടമുണ്ടാക്കാനുള്ള വഴികൾ...

- 

മലയാളികൾ ഏറ്റവും കൂടുതൽ ഷോപ്പിങ് ചെയ്യുന്ന ഓണം സീസൺ എത്തുകയായി. ഓൺലൈൻ ഷോപ്പിങ്ങിലൂടെ മുൻപു കിട്ടിയിരുന്ന ലാഭം ഇപ്പോൾ ഇല്ലെങ്കിലും ഒന്നു ശ്രദ്ധിച്ചാൽ മികച്ച നേട്ടം ഓൺലൈൻ ഷോപ്പിങ്ങിലൂടെ നേടുവാൻ കഴിയും. അത് എപ്രകാരമെന്നു പരിശോധിക്കാം.

ഡെബിറ്റ്/ക്രെഡിറ്റ് കാർഡ് വഴി ലാഭം

ഇക്കാലത്ത് ഷോപ്പിങ്ങിനായി വിവിധ വിശേഷ ദിവസങ്ങളിൽ, ഉത്സവകാലത്ത്, ഓഫർ സമയത്ത് ഒക്കെ ഡെബിറ്റ് ക്രെഡിറ്റ് കാർഡ് ഉപയോഗിച്ചാൽ ബിൽ തുകയുടെ 10% വരെ ലാഭിക്കാം.

ചിലത് instant cash back ആണെങ്കിൽ മറ്റു ചിലപ്പോൾ നിശ്ചിത തീയതിക്കകം നമ്മുടെ കാഷ് അക്കൗണ്ടിലേക്ക് ഈ തുക തിരികെ ലഭിക്കും. ഐസിഐസിഐ, എച്ച് ഡിഎഫ്സി, എസ്ബിഐ, ആക്സിസ് ബാങ്കുകളുടെ ക്രഡിറ്റ് ഡെബിറ്റ് കാർഡുകളിൽ ആണ് സാധാരണ കാഷ് ബാക്ക് ഓഫറുകൾ ലഭ്യമാകുക. ഓർക്കുക, ഇവിടെ പലപ്പോഴും മിനിമം പർച്ചേസ് പോലുള്ള നിബന്ധനകൾ ഉണ്ടാകാൻ സാധ്യതയുണ്ട്.

ചില പ്രമുഖ റീടെയിൽ സ്ഥാപനങ്ങളിൽ നേരിട്ട് ഷോപ്പിങ് ചെയ്യുമ്പോഴും ഇത്തരം കാർഡ് കാഷ്ബാക്ക് ലഭിക്കാറുണ്ട്. ഇതോടൊപ്പം ലഭിക്കുന്ന റിവാർഡ് പോയിന്റുകളും ഉപകാരപ്രദമാണ്.

കാഷ് ബാക്ക് സൈറ്റുകൾ