ആ തണൽ വേണോ?

വെറും അലങ്കാരവും പണം നഷ്ടവുമാണോ സൺഷേഡ്? സൺഷേഡ് ഒഴിവാക്കാമോ? കൂടുതൽ അറിയാം...

വീടിന്റെ എലിവേഷന്റെ ഭംഗി കൂട്ടാനും കുറയ്ക്കാനും കഴിയുന്ന ഒരു ഘടകമാണ് സൺഷേഡുകൾ. സൺഷേഡ് ഒഴിവാക്കിയ വീടുകളും ഇപ്പോൾ നമ്മുടെ നാട്ടിൽ പ്രചാരം നേടുന്നുണ്ട്. സൺഷേഡുകൾ വീടിന്റെ അവിഭാജ്യഘടകമാണോ? എലിവേഷന്റെ ആകർഷണത്തിനു വേണ്ടി സൺഷേഡിൽ എത്രമാത്രം പരീക്ഷണങ്ങൾ നടത്താം? കൂടുതൽ അറിഞ്ഞ് സൺഷേഡ് നിർമിക്കുന്നത് ഭാവിയിൽ അറ്റകുറ്റപ്പണികൾ കുറയ്ക്കും.

വേണോ വേണ്ടയോ

സൺഷേഡ് വേണോ വേണ്ടയോ എന്ന് ചിന്തയ്ക്ക് നമ്മുടെ നാട്ടിൽ വലിയ സ്ഥാനമില്ല. വർഷത്തിൽ ഒട്ടുമിക്ക മാസങ്ങളിലും മഴ പെയ്യുന്ന രീതിയിലാണ് നമ്മുടെ കാലാവസ്ഥയുടെ പോക്ക്. മഴയില്ലാത്തപ്പോൾ കനത്ത വെയിലും പേരിൽ സൺഷേഡ് ആണെങ്കിലും പ്രധാനമായും റെയിൻ ഷേഡ് ആണിത്.

സൺഷേഡ് ഉള്ള രീതിയിൽ വീട് ഡിസൈൻ ചെയ്യുന്നതാണ് നല്ലത്.

വീടിന്റെ ഭംഗി മുൻനിർത്തി ഷേഡ് പലപ്പോഴും ഒഴിവാക്കുന്ന പ്രവണതയുണ്ട്. ഇങ്ങനെ ചെയ്യുമ്പോൾ ജനലുകളുടെ അല്ലെങ്കിൽ ഓപ്പനിങ്ങുകളുടെ സ്ഥാനം വളരെ പ്രധാനമാണ്. നീട്ടിയെടുത്ത പാരപ്പെറ്റും അകത്തേക്ക് ഇറക്കി സ്ഥാപിക്കുന്ന ജനലുകളുമൊക്കെ സൺഷേഡിന്റെ ഗുണം ചെയ്യുമെങ്കിലും ഭിത്തി നനയുന്നത് ഒരു പ്രശ്നം തന്നെയാണ്. ഇത്തരത്തിൽ നിർമിക്കുമ്പോൾ ഭിത്തികൾ ആർസിസിയിൽ തന്നെ ചെയ്യണം. കൂടാതെ, വാട്ടർ പ്രൂഫിങ് ചെയ്യണം. സൺഷേഡില്ലെങ്കിൽ ചെറിയ ചെലവു കുറവ് ഉണ്ടാകും. എന്നാൽ മെയിന്റെനൻസിനുള്ള ചെലവ് വളരെ കൂടുതലായിരിക്കും.

സൺഷേഡ് വാർക്കണോ