നിസ്വാർഥതയുടെ നറുമണം

സായംസന്ധ്യയിൽ തിരിഞ്ഞുനോക്കുമ്പോൾ പ്രതിഫലേച്ഛ കൂടാതെ ചെയ്ത കർമങ്ങൾ പകരുന്ന സംതൃപ്തി വിലമതിക്കാനാകില്ല

- Prof. K. Narayanan

കെട്ടുപിണഞ്ഞു കിടക്കുന്ന ചില ഓർമകളില്ലേ? അതിൽ ഒന്നിനെ മാത്രമായി നമുക്ക് വേർതി രിച്ചെടുക്കാനാകില്ല. ചില കെട്ടിടങ്ങളും അതു പോലെയാണ്. ഒന്നിന്റെ തുടർച്ചയായി, അല്ലെങ്കിൽ നിഴലായി അടുത്തതും ഉണ്ടാകും. മറക്കാനാകാത്ത നിർമിതിയായി ഒന്നല്ല, രണ്ടെണ്ണം ചൂണ്ടിക്കാട്ടാൻ ഞാൻ പ്രേരിതനാകുന്നത് അതിനാലാണ്. പുനർജനിച്ച പെരുമ്പള്ളിയാഴത്ത് മന'യും, 'അഭയബാല' എന്ന അനാഥപ്പെൺകുട്ടികളുടെ അഭയകേന്ദ്രവും. ഒരേ മണ്ണിലാണ് ഈ രണ്ടു നിർമിതികളും. തിരുവനന്തപുരം മലയിൻ കീഴിൽ സുഗതകുമാരി ടീച്ചർ ഒരുക്കിയ അഭയ ഗ്രാമത്തിൽ പെരുമ്പള്ളിയാഴത്ത് മന "സഞ്ചരിച്ച വഴികൾ വിസ്മയത്തോടെയല്ലാതെ ഓർമിക്കാനാകില്ല. അഭയബാല നൽകിയിടത്തോളം ഹൃദയസ്പർശിയായ അനുഭവങ്ങൾ പിന്നീടൊരു നിർമിതിയും നൽകിയിട്ടില്ല.

ആർക്കിടെക്ചർ പഠിക്കുമ്പോൾ തന്നെ പരിസ്ഥിതി സംരക്ഷണ പ്രവർത്തനങ്ങളും സാമൂഹ്യസേവനവുമായിരുന്നു ജീവിതം. എൻ. വി.കൃഷ്ണവാരിയരും കെ. വി. സുരേന്ദ്രനാഥും സുഗതകുമാരി ടീച്ചറുമൊക്കെയായിരുന്നു മാർഗദർശികൾ. ട്രിവാൻഡ്രം എൻജിനീയറിങ് കോളജിൽ അസിസ്റ്റന്റ് പ്രഫസറായി ജോലി ലഭിച്ച പ്പോഴും ശീലങ്ങൾക്ക് മാറ്റമുണ്ടായില്ല. സുഗത കുമാരി ടീച്ചർ അഭയ' എന്ന സന്നദ്ധസംഘടന രൂപീകരിച്ചപ്പോൾ എന്നെ അതിന്റെ ജോയിന്റ് സെക്രട്ടറിയാക്കി.

അപ്രതീക്ഷിതമായി വന്നൊരു കത്ത്