நீ தந்தையின் வளர்ப்பு.. எங்கள் தாயுமானவன்!

எங்க கிராமத்து ஊராட்சி ஒன்றியத் தொடக்கப் பள்ளியில் ஐந்தாம் வகுப்பு முடிச்சு ஆறாம் வகுப்புக்கு ரெண்டு மைல் தள்ளி பக்கத்து ஊர்ல இருக்கிற நடுநிலைப்பள்ளிக்குப் போகிறபோது பொண்ணுங்க பாதிப்பேர் நின்னுட்டாங்க.

- கா.சு.நாகராசன்

அந்தப் புள்ள வரல, இந்தப் புள்ள வரல என்று பசங்க பேசிக்கிட்டாங்க. சில பேரோட பெற்றோர்கிட்ட எங்க அம்மா விசாரிச்சபோது, "பொட்டப்புள்ளைய யாருக்கா அவ்ளோ தூரம் தனியா அனுப்பறது? அவங்க அப்பா வேண்டாம்னு சொல்லிட்டாரு. அதான் ரெண்டு ஆட்டுக்குட்டி வாங்கிக் கொடுத்து மேய்க்கச் சொல்லிட்டாரு".

என்று, ஐந்தாம் வகுப்போடு நிறுத்தப்பட்ட அப்பாவிப் பெண்களின் அம்மாக்கள் வெகுளியாகச் சொல்லிச் சென்றார்கள். ரெண்டு மைல் தூரம் சக மாணவர்களோடு சென்று பள்ளிக்கூடம் போவதற்கு கவலைப்பட்டுத் தயங்கி படிப்பைப் பாதியில் நிறுத்துகிற பெற்றோர் அதே பெண் குழந்தைக்கு இரண்டு ஆட்டுக்குட்டிகளை வாங்கிக் கொடுத்து தனியே காட்டுத் தடத்தில் ஆடுமேய்க்க அனுப்புவதற்குத் தயங்குவதில்லை.

இந்த சந்தேகத்தை அப்போதே அவர்களிடமும் என் அம்மா கேட்டிருக்காங்க. அதுக்கு அந்தப் பெற்றோர்களின் பதில் என்ன தெரியுமா?