ചില്ലുകൂട്ടിൽ മെർലിന്റെ കുഞ്ഞൻ ഉദ്യാനങ്ങൾ

എറണാകുളത്ത് ടെറേറിയവും പാലുഡേറിയവും ഒരുക്കുന്ന മെർലിൻ എന്ന വീട്ടമ്മയെ പരിചയപ്പെടാം.

- ജേക്കബ് വർഗീസ് കുന്ത ഫോൺ: 9447002211 Youtube Channel: JACOBINTE UDHYANAM

നഗരത്തിലെ പരിമിതമായ സൗകര്യത്തിൽ ടെറേറിയവും പാലുഡേറിയവും ഒരുക്കി ഉദ്യാന സ്വപ്നങ്ങൾ സാക്ഷാൽക്കരിക്കുകയാണ് എറണാകുളത്ത് മെർലിൻ എന്ന വീട്ടമ്മ. എറണാകുളം നോർത്ത് റെയിൽവേ സ്റ്റേഷനടുത്ത് ഭർത്താവ് അനൂപിന്റെ മട്ടമാക്കൽ വീട്ടിൽ എത്തിയശേഷം മാത്രം തുടങ്ങിയതല്ല മെർലിനു ചെടി പ്രേമം. തിരുവല്ലയിലെ തറവാട്ടു വീട്ടിൽ കൃഷിയും പശു, ആട്, കോഴിവളർത്തലുമൊക്ക ഉണ്ടായിരുന്നു. ചെടികളുടെയും വളർത്തുമൃഗങ്ങളുടെയും പരിപാലനമായിരുന്നു മെർലിന്റെ ഇഷ്ടവിനോദം.