പോഷകമൂല്യം കൂട്ടിയ നെല്ലിനങ്ങൾ

ഹൈദരാബാദിലെ ഭാരതീയ നെല്ലു ഗവേഷണകേന്ദ്രം വികസിപ്പിച്ച പോഷക മൂല്യമേറിയ നെല്ലിനങ്ങൾ കർഷകരിലേക്ക്

- സി.എൻ. നീരജ*, ജൽധാനി വി., ദിവ്യ ബാലകൃഷ്ണൻ, ആർ.എം. സുന്ദരം

ലോകത്തു പകുതിയിലേറെ ജനങ്ങളുടെയും അരി മുഖ്യഭക്ഷണമാണ് അരി. വിപണിയിൽ കിട്ടുന്ന, തവിടു നീക്കം ചെയ്ത, പോളിഷ് ചെയ്ത യിൽ മാംസ്യവും സൂക്ഷ്മമൂലകങ്ങളും വളരെ കുറഞ്ഞ അളവിലാണെന്നത് ഒരു ന്യൂനതയാണ്. ഇത്തരം അരി മാത്രം തുടർച്ചയായി ഉപയോഗിക്കുന്നത് വിവിധ ആരോഗ്യ പ്രശ്നങ്ങളിലേക്കു നയിക്കും. ഇന്ത്യയിലെ 80% ജന ങ്ങൾക്കും മാംസ്യത്തിന്റെ കുറവുള്ളതായി കണ്ടിട്ടുണ്ട്, ഏകദേശം 40% പേരിൽ സിങ്കിന്റെ അപര്യാപ്തതയും കാണുന്നു. വളർച്ചയ്ക്കും രോഗപ്രതിരോധശേഷിക്കും അനിവാര്യമാണ് ഈ ഘടകങ്ങൾ.

പ്രജനന, ജൈവ സാങ്കേതികവിദ്യകൾ വഴി ജനിതക തിരഞ്ഞെടുപ്പിലൂടെ ഭക്ഷ്യവിളകളുടെ പോഷകമൂല്യം കൂട്ടുന്ന രീതിയാണ് ബയോ ഫോർട്ടിഫിക്കേഷൻ അഥവാ ജൈവ സാന്ദ്രീകരണം. 5 മാനദണ്ഡങ്ങളാണ് ഇതിനു പരിഗണിക്കുക. 1. ജനപ്രിയ നെല്ലിനങ്ങൾക്കു സമാനമായ വിളവ് 2. ഉചിതമായ അളവിൽ പോഷകസാന്നിധ്യം 3. വിവിധ പ്രദേശങ്ങളിൽ പോഷകങ്ങളുടെ ആപേക്ഷിക സ്ഥിരത 4. രുചിയും പാചകഗുണവും. 5. മനുഷ്യരിൽ പോഷകങ്ങളുടെ ജൈവലഭ്യത.