അതിസാന്ദ്രതാകൃഷിയിൽ നാലാം വർഷം ആദ്യഫലം

മാങ്കോസ്റ്റിൻകൃഷി കൂടുതൽ ആകർഷമാക്കുന്ന കൃഷിരീതികളുമായി യുവകർഷകൻ

- ജയിംസ് ജേക്കബ് തുരുത്തുമാലി

ഒരു ഏക്കറിൽ എത്ര മാങ്കോസ്റ്റിൻ വയ്ക്കാം? പരമാവധി 100-120 എന്നാവും ഉത്തരം എന്നാൽ ഏക്കറിൽ 400 മാങ്കോസ്റ്റിൻ വീതമാണ് മംഗളൂരു നെല്യാടിക്കു സമീപം ശിശിലയിലെ തന്റെ തോട്ടത്തിൽ കോട്ടയം പിണ്ണാ ക്കനാട് കിണറ്റുകര അരുൺ മാത്യു നട്ടിരിക്കുന്നത്. ഇതോടൊപ്പം 400 കമുകും വളർന്നു നിൽകുന്നു. അൾട്രാ ഹൈഡെൻസിറ്റി കൃഷി അഥവാ അതി സാന്ദ്രതാകൃഷി തന്നെ. തൈകൾ ഗ്രാഫ്റ്റ് ചെയ്ത് മൂന്നര വർഷം കഴിഞ്ഞപ്പോൾ മാങ്കോസ്റ്റിൻ കായ്ഫലം നൽകിത്തുടങ്ങിയെന്നതും ശ്രദ്ധേയം. 6 വർഷമായി വിളവെടുക്കുന്ന ഇവിടെ ഓരോ വർഷവും വിളവു കൂടുന്നുണ്ട്. പൂർണ ഉൽപാദനമെത്തുമ്പോൾ ഒരു മരത്തിനു ശരാശരി 15 കിലോ വീതം ഏക്കറിന് 6 ടൺ ഉൽപാദനമാണ് പ്രതീക്ഷിക്കുന്നത്.