മണ്ണിനടിയിലെ 916 സ്വർണശോഭ

സ്വന്തമായി കണ്ടെത്തിയ മഞ്ഞൾ ഇനത്തിനു പേറ്റന്റ് നേടിയ കർഷകൻ

- 

സ്വർണനിറമുള്ള മഞ്ഞളിനു 916 എന്നു പേരിട്ടയാളുടെ ഭാവന മോശമല്ലെന്ന് ആരും സമ്മതിക്കും. മാനന്തവാടിക്കു സമീപം കമ്മനയിലെ എ. ബാലകൃഷ്ണ എന്ന കൃഷിക്കാരന്റെ പ്രതിഭയ്ക്കു പക്ഷേ അതു മാത്രമല്ല തെളിവ്. സ്വന്തമായി ഒരു മഞ്ഞൾ ഇനവും മൂന്നു കുരുമുളക് ഇനങ്ങളും വികസിപ്പിച്ച കർഷക ശാസ്ത്രജ്ഞനാണ് അദ്ദേഹം. അശ്വതി, സുവർണ എന്നീ കുരുമുളകിനങ്ങൾ വികസിപ്പിച്ചതിന് 2008ൽ കേരള കാർഷിക സർവകലാശാല ബാലകൃഷ്ണനു കർഷകശാസ്ത്ര പുരസ്കാരം നൽകിയിരുന്നു. അതുവഴി രാജ്യത്താദ്യമായി കൃത്രിമപരാഗണത്തിലൂടെ പുത്തൻകുരുമുളകിനങ്ങൾ വികസിപ്പിച്ച കർഷകനെന്ന പ്രശസ്തിയും അദ്ദേഹത്തിനു ലഭിച്ചു. വിളകളെ നിരീക്ഷിക്കാനും മികച്ച ഇനങ്ങൾ കണ്ടെത്താനുമുള്ള ഗവേഷകമനസ്സിന് ഈ അംഗീകാരം വലിയ പ്രോത്സാഹനമായെന്നു വേണ