സക്സേനയുടെ സക്‌സസ്സ്

പഞ്ചാബിൽ നിന്നെത്തി ഇപ്പോൾ തെന്നിന്ത്യൻ ഭാഷാ ചിത്രങ്ങളിൽ തിളങ്ങുന്ന നേഹയ്ക്ക് ലോകശ്രദ്ധയാകർഷിച്ച ഒരു പാൻ ഇന്ത്യൻ സിനിമയിൽ അവസരം ലഭിച്ചിരിക്കുകയാണ്. വൃഷഭയിൽ തനിക്ക് അവസരം വന്ന വഴിയെക്കുറിച്ച് നേഹ സക്സേന വെള്ളിനക്ഷത്രത്തോടു സംസാരിക്കുന്നു...

- 

തെന്നിന്ത്യൻ താരമായ നേഹ സക്സേന ഇന്ന് മലയാളികൾക്ക് ഏറെ സുപരിചിതയാണ്. കസബ എന്ന സിനിമയിലൂടെയാണ് അവർ മലയാളത്തിലേക്ക് കടന്നുവന്നത്. പിന്നീട് മുന്തിരിവള്ളികൾ തളിർക്കുമ്പോൾ, ആറാട്ട്, സഖാവിന്റെ പ്രിയസഖി, ജീംബൂംബാ,ധമാക്ക തുടങ്ങി നിരവധി മലയാള ചിത്രങ്ങളിൽ അഭിനയിച്ചു. തുളു ഭാഷയിൽ പുറത്തിറങ്ങിയ നിക്ഷ ഡവർ' എന്ന ആദ്യചിത്രം തന്നെ നടിയെന്ന നിലയിൽ നേഹയ്ക്ക് അംഗീകാരം നേടിക്കൊടുത്തു. പിന്നീട് തമിഴ്, കന്നഡ, തെലുങ്ക്, ഹിന്ദി ഭാഷകളിൽ അഭിനയിച്ചു. മമ്മൂട്ടി ചിത്രം 'കസബ'യിലൂടെ 2016ൽ മലയാളത്തിലുമെത്തി. കുട്ടിക്കാലം മുതലേയുള്ള ആഗ്രഹമായിരുന്നു സിനിമ.

നേഹ, ബിഗ് ക്യാൻവാസ് ചിത്രത്തിന്റെ ഭാഗമായെന്ന് കേട്ടല്ലോ? ശരിയാണ്. ലാലേട്ടൻ നായകനാകുന്ന വൃഷഭയിൽ ഒരു ലീഡ് റോൾ ചെയ്യാൻ അവസരം കിട്ടി. ഇപ്പോൾ അതിന്റെ ലൊക്കേഷനിലാണ്. കർണാകയിലാണ് ലൊക്കേഷൻ. ലാലേട്ടനുമായുള്ള കോംപിനേഷൻ സീനുകളൊക്കെയുണ്ട്. വൃഷഭയെ കുറിച്ച് കൂടുതലൊന്നും ഇപ്പോൾ പറയാനാകില്ല. ഷൂട്ടിംഗ് നടക്കുകയാണ്.

വൃഷഭയുടെ സെറ്റ് എങ്ങനെയുണ്ട്?

വലിയ സീരിയസ് സെറ്റാണ്. ഓരോ ദിവസവും 3000ത്തോളം ജൂനിയർ ആർട്ടിസ്റ്റുകളുണ്ട്. അതിലുപരി സീനിയറായവരും ഉണ്ട്. മുംബൈ കാസ്റ്റിംഗാണ് എല്ലാം. എനിക്കും അവിടെ നിന്നാണ് കോൾ വന്നത്.

വൃഷഭയിലേക്ക് അവസരം ലഭിച്ചത് എങ്ങനെയാണ്?