വഴിമാറി സഞ്ചരിച്ച ചിന്തകൾ വസുബോസ്

ആടുജീവിതം, ഭ്രമയുഗം, മഞ്ഞുമ്മൽ ബോയ്സ്, പ്രമലു, ആവേശം... തുടങ്ങിയ സിനിമകളൊക്കെ ഞാൻ കണ്ടു. അതെല്ലാം എനിക്കിഷ്ടമാകുകയും ചെയ്തു. അത്തരം സിനിമകളുടെ ഭാഗമാകണമെന്ന് മാത്രമേ ആഗ്രഹമുള്ളൂ.

- ജി. കൃഷ്ണൻ

മനസ്സിൽ ആഗ്രഹിച്ചത് സാദ്ധ്യമായി തുടങ്ങിയതിന്റെ സന്തോഷത്തിലായിരുന്നു വസു ബോസ്, സ്ക്കൂൾ പഠനം പൂർത്തിയായി വരുന്ന കാലഘട്ടത്തിലാണ് വസുബോസിന് ആക്ടിംഗിനോടുള്ള അഭിരുചി മെല്ലെ മെല്ലെ മനസ്സിലേക്ക് കയറിത്തുടങ്ങിയത്. മൂന്നുവർഷം ഡൽഹി ഡ്രാമാ യൂണിവേഴ്സിറ്റി തീയേറ്ററിൽ അഭിനയം പഠിച്ചിട്ടുണ്ട്. പിന്നീട് ലോസ് ആഞ്ചലസിൽ പോയി അവിടെയും ആക്ടിംഗ് കോഴ്സിൽ ചേർന്ന് പഠിച്ചിട്ടുണ്ട്.

മൂവിക്യാമറയുടെ മുന്നിൽ നിന്ന് അഭിനയത്തിന്റെ കഴിവു കൾ പ്രകടിപ്പിക്കുവാൻ കഴിയുന്നതുപോലെ തന്നെ ക്യാമറ യുടെ പിന്നിൽ നിന്ന് സിനിമ സംവിധാനത്തിന്റെ ജോലികൾ പൂർത്തീകരിക്കാനും ആഗ്രഹമുണ്ട്. അതും ഞാൻ ഹൃദിസ്ഥമാക്കിക്കൊണ്ടിരിക്കുകയാണെന്ന് വസുബോസ് പറയുന്നു.