ബോഡിഷെയിമിങ് ആത്മവിശ്വാസം തകർക്കും ഹുമാ ഖുറേഷി

ബോളിവുഡിന്റെ മാത്രമല്ല തെന്നിന്ത്യൻ സിനിമയുടേയും ശ്രദ്ധയാകർഷിച്ചു

- അജയ്കുമാർ

രണ്ടു ഭാഗങ്ങളുളള ഗാംഗ്സ് ഓഫ് വാസിപ്പൂർ എന്ന സിനിമയിൽ സഹനടിയായിട്ടായിരുന്നു ഹുമാ ഖുറേഷി മോഡലിങ് രംഗത്തുനിന്നും ബോളിവുഡ് സിനിമയിലെത്തുന്നത്. യൂണിവേഴ്സിറ്റി ഓഫ് ഡൽഹിയിൽ നിന്നും ചരിത്രത്തിൽ ബിരുദവും നേടി ആദ്യം എത്തിയത് നാടകത്തിലേക്ക്. അവിടെ നിന്നും മോഡലിങ്ങിൽ ശ്രദ്ധ പതിപ്പിച്ച ഹുമാ പല ലോകോത്തര ഉൽപന്നങ്ങളുടേയും പരസ്യ മോഡലായി. സിനിമയിലെത്തി ആദ്യ ചിത്രത്തിലെ അഭിനയത്തിനു തന്നെ പുരസ്ക്കാരങ്ങൾ വാരിക്കുട്ടിയ ഹുമാ ഖുറേഷി ബോളിവുഡിന്റെ ഒന്നടങ്കം ശ്രദ്ധയാകർഷിച്ചുകൊണ്ട് ഉടൻ തന്നെ നായികാ പദവിയിലേക്കെത്തി. ബോളിവുഡിന്റെ മാത്രമല്ല തെന്നിന്ത്യൻ സിനിമയുടേയും ശ്രദ്ധയാകർഷിച്ചു പിന്നീട് ഈ ഡൽഹിക്കാരി. രജനിയുടെ കാലാ, അജിത്തിന്റെ വലിമൈ എന്നീ സിനിമകളിൽ അഭിനയിച്ചതോടെ മുപ്പതു താണ്ടിയ ഹുമാ ഖുറേഷി ദക്ഷിണേന്ത്യക്കാരുടേയും ഉറക്കം കെടുത്തുന്ന താരമായി. ഇപ്പോൾ ഹിന്ദിയിൽ കൈനിറയെ സിനിമകൾ. മാത്രമല്ല ആരാധകർ എപ്പോഴും തന്നെ ഓർത്തുകൊണ്ട് ഇരിക്കണം എന്നതുകൊണ്ട് പുത്തൻ ഗ്ലാമർ ഫോട്ടോ ഷൂട്ടുകൾ നടത്തി സമൂഹ മാധ്യമങ്ങളിൽ പോസ്റ്റ് ചെയ്ത് സജീവമാണ് ഈ ഗ്ലാമർ താരം. ഇന്ന് ബോളിവുഡിൽ തിരക്കോടു തിരക്കാണ് താരത്തിന്. ഇതിനിടയിൽ മാധ്യമങ്ങളെ വശീകരിക്കുന്നതിലും അതീവ ശ്രദ്ധാലുവാണ്. അടുത്തിടെ ഖുറേഷി സൂം കോളിലൂടെ മാധ്യമങ്ങൾക്കു നൽകിയ അഭിമുഖത്തിൽ നിന്നും...

ഇത്രയും ബിസ്സിയുളള ഒരു നടിയാവും താരമാവും എന്ന് കരുതിയിരുന്നുവോ?..